23:698  que  nous  sommes  suiets  a  cacher  nos  fautes  et  a  les  ensevelis  voila  pourquoy  Dieu  nous  propose  un  miroir  en  sa  parole  a  ce  que  nous  aprenions  de  nous  iuger  selon  luy,  et  non  pas  selon  nostre  fantasie.  Combien  donc  que  les  hommes  n'appercoivent  point  du  premier  coup  quelle  po  v  rete  il  y  a  en  eux,  toutesfois  quand  ils  seront  bien  esclairez  et  guidez  par  la  parole  de  Dieu,  cela  leur  doit  suffire,  pour  demourer  du  tout  confus  :  car  si  nous  voulions  suivre  nostre  opinion  chacun  seroit  iuste.  Comme  Salomon  aussi  en  parle  que  les  hommes  sont  si  aveuglez  de  l'amour  d'eux-mesmes  qu'il  n'y  a  celuy  qui  ne  s'attribue  et  qui  ne  se  face  a  croire  merveilles  de  ses  vertus:  mais  Dieu  poise  les  coeurs,  dit-il.  Il  nous  faut  venir  a  une  autre  balance:  car  il  n'y  a  que  faussete  quand  nous  pensons  avoir  beaucoup  de  merites.  Et  que  les  hommes  aussi  nous  tienent  en  telle  estime  c'est  d'autant  qu'on  ne  regarde  qu'a  l'apparence.  Or  ce  qui  est  ainsi  haut  et  excellent  devant  les  hommes,  n'est  qu'abomination  devant  Dieu.  Et  pourquoy?  Car  il  nous  faut  iuger  des  oeuvres  selon  le  coeur  et  selon  l'affection  [pag.  129]  cachee.  Et  puis,  il  n'y  a  point  de  purete,  il  est  impossible  que  les  hommes  soyent  purs  et  nets  iusques  a  ce  que  Dieu  les  ait  purgez  par  foy  ainsi  qu'il  en  est  parle  au  quinzieme  chapitre  des  Actes.  D'autre  coste  iamais  nous  ne  servirons  a  Dieu  d'une  affection  franche,  que  nous  n'ayons  cognu  qu'il  nous  veut  estre  debonnaire  et  propice  comme  il  est  dit  au  Pseaume  cent  trente,  Seigneur  on  trouvera  tousiours  mercy  vers  toy:  car,  comme  tu  es,  ainsi  on  te  trouve  proce.  Or  les  povres  incredules  qui  se  doutent  de  la  volonte  de  Dieu  et  qui  sont  en  inquietude  et  en  effroy,  il  est  certain  que  iamais  ne  le  serviront  de  bon  courage.  Or  Dieu  n'acceptera  rien  de  ce  qu'ils  veulent  faire,  car  il  veut  des  sacrifices  volontaires  de  nous:  et  mesmes  S.  Paul  dit  qu'il  ayme  ceux  qui  luy  apportent  liberalement  et  d'une  franche  affection.  Voila  donc  comme  nos  oeuvres  quelques  belles  qu'elles  semblent  estre  tant  a  nous  qu'a  tout  le  monde,  ne  sont  qu'ordure  et  infection  devant  Dieu,  iusqu'a  ce  qu'il  nous  ait  purgez  de  nos  macules  et  polutions,  et  puis  qu'il  nous  ait  monstre  a  quel  but  il  nous  faut  aspirer  et  a  quelle  fin  il  nous  faut  rapporter  toute  nostre  vie,  c'est  assavoir  qu'il  soit  honore  de  nous  et  qu'estans  dediez  en  son  service  nous  taschions  de  nous  conformer  pleinement  a  la  iustice  qu'il  nous  monstre.  Or  cecy  sera  [pag.  130]  deduit  tantost  plus  au  long  quand  nous  parlerons  de  la  Loy  :  pour  ceste  heure,  il  suffit  d'avoir  cognu  que  d'autant  que  l'amour  de  nous-mesmes  nous  transporte,  et  que  non  seulement  cela  nous  est  comme  un  bandeau  pour  nous  estouper  les  yeux,  mais  nous  ensorcele  quasi  du  tout,  que  nous  sommes  stupides  et  ne  pensons  point  a  nos  miseres,  et  ne