9:697  697  CONFESSIONES.  698  XIV.  Sacremens.  Nous  entendons  que  les  sacremens  que  nostre  Seigneur  a  ordonnez  en  son  Eglise  nous  doibvent  estre  comme  exercices  de  foy,  tant  pour  la  fortifier  et  confermer  aux  promesses  de  Dieu,  que  pour  la  tesmoigner  envers  les  hommes.  Et  seulement  en  y  a  deux  en  l'Eglise  chrestienne  qui  soient  constituez  de  l'auctorite  de  Dieu:  le  Baptesme  et  la  Cene  de  nostre  Seigneur:  pourtant  ce  qui  est  tenu  au  royaulme  du  pape,  de  sept  Sacremens,  nous  le  condempnons  comme  fable  et  mensonge.  XV.  Baptesme.  Le  Baptesme  est  ung  signe  exterieur  par  lequel  nostre  Seigneur  testifie  qu'il  nous  veult  *recepvoir  pour  ses  enfans,  comme  membres  de  son  fils  Iesus.  Et  pourtant  en  iceluy  nous  est  representee  la  purgation  de  nos  pechez,  que  nous  avons  au  sang  de  lesuchrist,  la  mortification  de  nostre  chair  que  nous  avons  par  sa  mort,  pour  vivre  en  luy  par  son  esprit.  Or  puis  que  nos  enfans  appartiennent  a  une  telle  alliance  de  nostre  Seigneur,  nous  sommes  certains  que  a  bon  droit  le  signe  exterieur  leur  est  communique.  XVI.  La  Saincte  Cene.  La  Cene  de  nostre  Seigneur  est  ung  signe  par  lequel  soubs  le  pain  et  le  vin  il  nous  represente  la  vraie  communication  spirituelle  que  nous  avons  en  son  corps  et  son  sang.  Et  recognoissons  que  selon  son  ordonnance  elle  doibt  estre  distribuee  en  la  compagnie  des  fideles,  afin  que  tous  ceulx  qui  veulent  avoir  Iesus  pour  leur  vie  en  soient  participans.  Or  d'aultant  que  la  messe  du  Pape  a  este  une  ordonnance  mauldicte  et  diabolique,  pour  renverser  le  mistere  de  saincte  Cene,  nous  declairons  qu'elle  nous  est  en  execration,  comme  une  idolatrie  condamnee  de  Dieu,  tant  en  ce  qu'elle  est  estimee  ung  sacrifice  pour  la  redemption  des  ames  que  pource  que  le  pain  est  en  icelle  tenu  et  adore  comme  Dieu.  Oultre  les  aultres  blasphemes  et  superstitions  execrables,  qui  y  sont  contenues,  et  l'abus  de  la  Parolle  de  Dieu,  qui  y  est  prinse  en  vain  sans  aucun  fruict  ne  edification.  XVII.  Traditions  humaines.  Les  ordonnances  qui  sont  necessaires  a  la  police  interieure  de  l'Eglise,  et  appartiennent  seullement  a  entretenir  paix  honnestete  et  bon  ordre  en  l'assemblee  des  chrestiens,  nous  ne  les  tenons  point  pour  traditions  humaines,  d'aultant  qu'elles  sont  comprinses  soubs  ce  commandement  general  de