8:697  697  EPISTOLAE  AD  CALVINUM.  698  lege  decalogi,  non  manens  in  omnibus  eius  praeceptis,  et  vos  estis  sub  lege  decalogi:  estis  igitur  omnes  maledicti.  At  vero  Christiani  nec  sub  maledicto  sunt,  nec  sub  lege  illa.  Nos  non  accessimus  ad  montem  illum  tremendum  [pag.  641],  in  quo  data  est  decalogi  lex  (Heb.  12),  id  est,  nos  non  accepimus  legem  decalogi.  De  lege  decalogi  loquitur  Paulus  dicens,  eam  non  esse  nobis  iustis  positam  (1.  Timoth.  1).  Be  ea  ait,  legem  propter  transgressiones  ad  tempus  esse  datam,  donec  veniret  Christus  (Galat.  2).  Illamque  paedagogiam  esse  nunc  sublatam  (Galat.  3  et  4).  Apertissimus  de  hac  re  est  Pauli  sermo,  legem  mandatorum,  in  decretis  sitam,  abrogavit  Christus  (Ephes.  2),  sine  lege,  absque  lege,  sublata  lege,  et  iustitia  Dei  per  Christum  manifestata  (Bom.  3).  Absque  lege  illa  decalogi,  per  quam  erat  cognitio  peccati,  ut  ibi  ait,  chirographum  nobis  contrarium  per  decreta  Christus  delevit  (Coloss.  2).  Chirographus  mandatorum  dicitur  decalogus  digito  Dei  scriptus.  Chirographus  est,  quo  scripto  obligamur  ad  aliquid  faciendum,  et  contrarius  est  nobis,  quando  transgredimur.  Tota  ergo  lex  scripta  Iudaeis  erat  chirographus  nunc  sublatus.  Vetustas  literae  erat  decalogus  ipse,  nunc  eo  sublato  est  novitas  spiritus  (Hom.  7  et  2.  Cor.  3).  Ex  hac  autem  legis  sublatione  sequitur  mox  Pauli  obiectio  (Bom.  6):  Peccare  igitur  fas  est,  quia  non  sumus  sub  lege?  Contra  decalogum  omnia  facere  licet,  quia  decalogus  non  amplius  ligat?  Permittitur  iam  nobis  scortari,  furari,  mentiri,  occidere?  Absit.  Imo  multo  minus,  si  regeniti  sumus.  Spiritus  ita  docet  eos  qui  sunt  in  Christo.  Docet  nos  spiritus  Christi,  obviam  semper  ire  operibus  carnis,  quae  sunt  opera  peccati:  postquam  a  peccato  transivimus  ad  iustitiam,  et  a  carne  transivimus  ad  spiritum.  Haec  est  Pauli  responsio,  propositae  quaestioni  admodum  consona,  nostram  libertatem  praeclare  docens,  et  nos  monens,  ne  eam  demus  in  occasionem  carnis.  Nota  Pauli  locum  ad  Galat.  5  an  simus  liberati  a  iugo  legis  decalogi  posterioris,  si  sumus  liberi*)  a  iugo  legis  Abrahae  prioris.  In  summa  Paulus  ait,  nos  non  esse  sub  lege,  sed  sub  gratia.  Contraria  haec  membra  sunt.  Qui  erant  sub  lege,  non  erant  sub  gratia.  Qui  sunt  sub  gratia,  non  sunt  sub  lege.  Obiicies  tu,  perinde  [pag.  642]  esse,  an  ex  vi  legis,  an  ex  doctrina  spiritus  quid  facias.  Imo  interest  plurimum.  Nam  spiritus  suaviter  instruit  ut  filios:  non  torquet  ut  servos.  Saxea  lex  rigida  est.  Spiritus  suaviter  docet  et  vires  dat,  vita*2)  nos  adiuti,  et  meliora  docti,  multo  minus  peccemus.  Quod  si  peccaverimus,  facile  remedium  habeamus.  Eximia  sunt  haec  liberatoris  dona.  Prodest  nobis  haec  per  Christum  liberatio  a  iugo  illo,  et  vinculo  maledictionis,  ne  conscientiae  nostrae  Ua  terreantur,  ut  1)  liberati.  2)  ut  ita.