7:697  697  IN  EE  SACRAMENTARIA.  698  redemptionis  excitandam  et  retinendam.  Porriguntur  ad  obsignandam  veritatem,  quod  Christus  vere  pro  nobis  traditus  sit  et  vere  redemerit  credentes.  Constat  nobis  quoque  ipsa  res.  Qui  enim  fideles  accedunt  ad  coenam,  revera  redempti  sunt,  adeoque  palam  iam  ostendunt  et  confitentur  omnibus,  quod  sint  de  eorum  numero  qui  per  mortem  filii  Dei  vere  facti  sunt  haeredes  regni  coelorum.  XIII.  Hinc  sequitur,  nos  edere  et  bibere  corpus  et  sanguinem  Domini.  Fidelis  semper  et  ubique  edit  et  bibit  corpus  et  sanguinem  Domini,  iuxta  illud:  Quid  paras  dentem  et  ventrem?  crede  et  manducasti.  Ergo  quum  pius  in  coena  veritatis  symbola  et  sigilla  percipit,  eadem  fide  qua  Christo  insitus  est,  Christum  manducat  et  bibit:  non  quod  prius  non  habuerit  communionem  cum  Christo  (ab  initio  enim  fidei  particeps  Christi  fuit  et  est),  sed  quod  iam  secundum  institutum  Christi  memoriam  celebrans  redemptionis  per  traditum  Christum,  renovans  reparat  adeoque  et  continuat  perceptionem  Christi  quae  victibus  fidei  grandescit,  spiritu  autem  Dei  sancto  perficitur  plenissime.  XIV.  Interim  rem  ex  signo  non  facimus,  neque  utrumque  simul  in  unum  confundimus,  sed  sedulo  alterum  ab  altero  distinguendum  admonemus.  Cur  ergo  nos,  qui  ut  hoc  fiat  ab  omnibus  modis  omnibus  laboramus,  a  doctis  etiam,  tantum  non  damnamur  ?  XV.  Non  includimus  corpus  Christi  in  panem,  et  impanationem  acriter  damnamus  Probe  et  hic  nobis  convenit  XVI.  Nec  somniamus  Christi  carnalem  in  nos  transfusionem.  Proinde  spiritualis  est  coniunctio  qua  cum  Christo  connectimur.  Ioannis  14  (v.  23)  :  Si  quis  diligit  me,  sermonem  meum  servabit,  et  pater  meus  diliget  eum,  et  ad  eum  veniemus,  et  mansionem  apud  eum  faciemus.  Similia  sequuntur  Ioannis  capite  15  (v.  1  seqq.),  1  Cor.  i  (v.  17);  Templum  Dei  sanctum  est,  quod  estis  vos.  Cap.  6  (v.  17);  Qui  agglutinatur  Domino  unus  spiritus  est  In  2  Cor.  6  (v.  16),  Eph  3  (v.  17)  legimus  Christum  per  fidem  inhabitare  in  cordibus  nostris.  Locus  itaque  Ephes,  o  (v.  30);  Quoniam  membra  sumus  corporis  eiusdem  ex  carne  eius  et  ex  ossibus  eius,  referri  debet  ad  incarnationis  mysterium.  De  quo  idem  apostolus  loquens  dicit:  Postquam  pueri  habent  commercium  cum  carne  et  sanguine,  et  ipse  similiter  particeps  factus  est  earundem  ete.