23:697  697  SERMONS.  698  que  nous  sommes  plongez  au  gouffre  d'enfer.  Voila,  di-ie,  par  quel  bout  il  nous  faut  commencer  si  nous  voulons  bien  cognoistre  comment  et  pourquoy  nous  sommes  iustifiez  par  la  foy.  Mais  cela  ne  se  pourroit  pas  deduire  maintenant,  nous  le  reserverons  donc  a  demain.  PRIERE.  Or  nous-nous  prosternerons  devant  la  maieste  de  nostre  bon  Dieu  et  Pere  en  cognoissance  de  tant  de  fautes  et  offenses  par  lesquelles  nous  luy  sommes  plus  que  redevables,  et  desquelles  nous  devons  estre  du  tout  confus  en  nous  mesmes.  Et  cependant  que  nous  ne  laissions  pas,  estans  en  un  tel  Abysme  de  desespoir  de  lever  toutes  fois  la  teste  a  luy,  puis  qu'il  nous  a  fait  ceste  grace  de  nous  cercher,  a  fin  de  nous  recueillir  a  soy,  et  que  Iesus  Christ  est  descendu  iusques  aux  enfers,  a  fin  de  nous  en  retirer  et  pour  nous  conduire  iusques  au  Royaume  celeste.  Que  donc  cecy  soit  tellement  imprime  en  nos  coeurs,  que  nous  soyons  vrayement  eslevez  par  foy,  pour  invoquer  ce  bon  Dieu,  qui  nous  a  adoptez  pour  ses  enfans  et  pour  nous  arrester  du  tout  a  luy.  Et  qu'il  nous  face  la  grace  de  tellement  cheminer  que  son  adoption  [pag.  127]  ne  soit  point  vaine  ni  inutile  en  nous,  mais  qu'elle  monstre  ses  fruicts  en  tant  que  nous  serons  gouvernez  par  nostre  Seigneur  Iesus  Christ  selon  qu'il  nous  a  incorporez  en  luy.  Que  non  seulement  nous  etc.  SECOND  SERMON  DE  LA  IUSTIFICATION.  Genese  Chap.  15.  6.  Abram  creut  a  Dieu,  et  luy  reputa  cela  a  iustice.  Nous  commencasmes  hier  a  traicter  quelle  est  la  vraye  entree  pour  comprendre  comme  nous  serons  agreables  a  Dieu  par  foy,  c'est  que  nous  venions  a  nostre  condition  premiere,  regardons  quels  nous  naissons  en  Adam.  Or  nous  voila  tous  maudits,  dannez  et  perdus:  iusques  a  ce  que  nous  ayons  bien  cognu  cela,  iamais  nous  ne  gousterons  que  c'est  d'obtenir  grace  et  misericorde  de  Dieu.  Voici  donc  le  vray  fondement  pour  bien  bastir,  c'est  apres  que  nous  aurons  bien  examine  quels  nous  sommes,  ayans  trouve  qu'il  n'y  a  en  nous  que  toute  confusion,  nous  cerchions  le  remede  ailleurs.  Or  pour  faire  un  tel  examen  nous  avons  besoin  de  venir  a  l'Escriture.  Vray  est  que  si  chacun  pensoit  a  soy  sans  se  [pag.  128]  flatter,  qu'il  seroit  son  iuge  sans  aller  plus  loin.  Il  ne  faut  point  faire  long  circuit  pour  trouver  des  enquestes  contre  nous:  car  chacun  a  comme  un  cautere  qui  le  brule,  et  qui  luy  imprime  la  malediction  de  Dieu.  Mais  d'autant