7:696  quam  circumcisum,  et  eum  qui  amicus  Dei  dudum  fuerat  ex  gratia,  postea  recepisse  signum  circumcisionis,  signaculum  iustitiae  fidei  quae  fuerat  in  praeputio  patris  nostri  Abrahae  (Rom.  4,  l  l  )  .  Et  particula  Simul  perinde  sonat  ac  si  sacramentis  alligata  sit  gratia,  et  quasi  iam  primum,  quum  baptismus  percipitur,  remissio  peccatorum  conferatur.  Paulus  multo  circumspectes  loquens,  unus  panis,  inquit,  unum  corpus  multi  sumus  (1  Cor.  10,  17).  Sumus,  inquit,  non  efficimur.  Vestrae  loquutiones  ita  sonant  quasi  beneficio  sacramentorum  et  operis  illius  sacramentarii  emundemur.  At  ita  perperam  senserunt  Scholastici,  qui  vestra  probant,  nostra  de  sacramentis  improbant  X.  Non  quod  remissio  peccatorum  proveniat  a  baptismo,  sed  a  sanguine  CEristi.  Hoc  ergo  poscimus  a  vobis  ut  simpliciter  dicatis,  sanguine  Christi  in  cruce  effuso  abluuntur  credentes,  in  spiritu  inquam,  per  fidem.  Uam  vero  emundationem  attestatur  significat  et  obsignat  Deus  in  electis  suis  per  sanctum  baptisma  Christi.  Haec  est  simplicitas  quam  requirimus.  XI.  Proinde  non  aliter  confert  baptismus,  nisi  quia  eius  ablutionis  testimonium  est,  quam  filius  Dei  effuso  in  cruce  sanguine  comparavit,  et  quam  fruendam  evangelii  sui  fide  offert  ac  spiritu  suo  in  cordibus  perficit.  In  his  affulget  magna  spes  concordiae.  Si  enim  ita  pergamus  loqui,  omnes  intelligent  quid  sentiamus  et  quid  dicatur.  Potest  totum  negotium  in  haec  contrahi  capita:  Solus  Dei  filius  in  cruce  nos  abluit  sanguine  suo  et  gratuito  nos  haeredes  effecit  vitae  aeternae.  Hoc  beneficium  per  fidem  in  spiritu  recipiendum  perficiendumque  offert  et  annunciat  mundo  per  praedicationem  evangelii.  Qui  credit  praedicato  evangelio,  habet  remissionem  et  vitam:  qui  non  credit,  nec  remissionem  habet  nec  vitam.  Caeterum  Deus,  qui  tibique  nostris  infirmitatibus  se  attemperat,  istud  coeleste  beneficium  attestatur  et  obsignat  per  sacramenta.  Sacramenta  sunt  gratiae  et  beneficii  per  Christum  exhibiti  fidelibus  non  inania  et  fallacia  spectacula,  sed  veritatis  sigilla  ac  testimonia.  Vere  enim  redempti  sunt  fideles.  Vere  communicatur  nobis  donum  coeleste  per  spiritum  in  fide.  Vera  sunt  quae  testantur  sacramenta  facta  esse,  fieri  et  perficienda  esse  in  fidelibus.  XII.  In  coena  quum  nobis  porriguntur  signa  corporis  et  sanguinis  Domini,  dicimus  non  frustra  porrigi  quin  res  quoque  ipsa  nobis  constet.  Quasi  vero  quisquam  nostrum  unquam  dixerit,  signa  corporis  et  sanguinis  Christi  frustra  porrigi.  Porriguntur  enim  ex  institutione  Christi  ad  memoriam