7:695  695  CONSENSIO  696  Christum.  Christi  vero  participes  efficimur  per  spiritum  sanctum  in  vera  fide.  VII.  Sacramenta  sunt  instrumenta  gratiae  Dei.  Nam  quod  illis  figuratur,  dicimus  exhiberi  electis.  Haec  propositio  habet  quod  pios  affligat  et  urat  Si  per  instrumentum  intelligis  signum,  bene  est.  Si  amplius  quiddam  quam  signum,  videris  sacramentis  nimium  tribuere.  Instrumentum  appellant  Latini  omne  illud  quo  quis  utitur  ad  operandum.  Iam  ergo  agitur  hic  de  negotio  salutis  nostrae.  Deus  autem  est  is  proprie  qui  salutem  nostram  operatur,  id  est,  Deus  is  est  qui  nos  salvat  et  recipit  in  gratiam.  Huic  vos  tribuitis  instrumentum  per  quod  operetur,  organum  inquam,  et  infundibulum,  ac  canalem  quendam,  ipsa  inquam  sacramenta,  per  quae  nobis  infundat  gratiam,  et  per  quae  nobis  applicet  salutem,  ipsasque  res  coelestes  exhibeat.  Sequitur  enim:  nam  quod  illis  figuratur,  dicimus  exhiberi  electis.  Caeterum  nos  non  ita  credimus,  aut  ita  credere  de  salute  nostra  in  scripturis  edocti  sumus.  Sic  enim  credimus:  Deus  solus  operatur  salutem  nostram  et  confert  electis  gratiam  omnigenaque  salutis  dona.  Confert  autem  haec,  exhibet  et  infundit,  non  per  signa  (quae  rerum  spiritualium  non  sunt  capacia,  quum  sint  inanima,  neque  affixa  aut  alligata  illa  teneant,  quum  sint  libera  et  nulli  rei  visibili  alligata),  sed  per  spiritum  sanctum  ac  fidem:  quibus  solis  nos  tribuimus  conferendi  et  exhibenda  vim,  ita  ut  Deus,  nulla  creatura,  conferat,  et  conferat  quidem  per  spiritum  et  fidem.  Spiritus  enim  est,  per  quem  elabitur  animis  nostris  Deus:  fides  id  Dei  donum  est}  per  quod  recipit  homo  alia  Dei  dona.  Sacramenta  illa  non  exhibent  aut  conferunt,  ceu  exliibendi  et  conferendi  instrumenta,  sed  significant,  testificantur  et  obsignant.  Sic  in  omnibus  epistolis  docuit  apostolus.  VIII.  Deus  enim  fallaci  spectaculo  non  deludit  oculos.  Bevera  Deus  verax  est,  ergo  non  mentitur,  nem  imponit  cuiquam:  sacramentis  ergo  testificatur  et  obsignat,  quod  ipse  nos  regeneret,  et  filios  Dei  efficiat,  quod  ipse  pro  nobis  traditus  in  mortem  ab  aeterna  morte  nos  liberaverit,  et  sit  cibus  et  potus  animae  nostrae  ad  vitam  aeternam.  Idcirco  baptismum  recipiens,  et  de  mensa  Domini  participans,  non  inani  fallitur  spectaculo,  sed  testimonium  veritatis  percipit,  eius  inquam  veritatis,  quod  per  Christum  in  fide  redemptus  et  haeres  regni  Dei  effectus  est.  IX.  Ergo  qui  baptismum  recipit,  simul  peccatorum  remissionem  percipit.  In  hac  propositione  off  edidit  nos  particula  Simul.  Constat  enim  Abrahamum  prius  iustificatum  esse