23:695  695  SERMONS.  696  souilleures  et  pollutions,  il  faut  que  nous  soyons  reiettez  de  luy.  Ils  confesseront  cela:  et  il  semble  bien  de  prime  face  que  ce  soit  pour  humilier  les  hommes.  Oar  aussi  ils  monstrent  qu'il  faut  que  Iesus  Christ  [pag.  122]  remedie  a  tant  de  povretez  qui  sont  en  nous,  qu'il  nous  tende  la  main  et  qu'il  nous  reconcilie  a  Dieu  son  Pere.  Or  quand  ils  nous  ont  ainsi  mis  au  chemin,  ils  disent  alors  qu'il  nous  faut  meriter  en  partie  pour  estre  iustes,  et  que  cela  se  face  par  les  merites  de  nos  oeuvres:  tellement  qu'ils  mettent  la  iustice  gratuite  pour  un  coup,  quand  nous  sommes  receus  en  l'Eglise  par  le  Baptesme,  c'est  assez:  voila  Iesus  Christ  qui  a  fait  sa  part.  Il  est  vray  qu'ils  adioustent  que  nous  ne  pouvons  pas  estre  iustes  en  tout  et  par  tout  :  comme  il  faut  maugre  leurs  dentz  qu'ils  sentent  cela,  et  l'experience  aussi  les  tient  convaincus  qu'ils  sont  redevables  a  Dieu  en  beaucoup  de  sortes.  Mais  ils  ont  puis  apres  leurs  satisfactions  et  disent  qu'ils  recompensent  Dieu  par  autre  moyen  en  faisant  des  choses  qui  ne  leur  sont  point  commandees,  comme  en  ieunant  un  tel  iour,  en  s'abstenant  de  manger  de  chair  un  autre,  en  trottant  en  pelerinages,  en  faisant  chanter  quelque  Messe,  et  tous  ces  autres  menus  fatras-la,  qui  est  un  monceau  qu'ils  font  pour  s'acquitter  envers  Dieu.  Voila  comme  ils  employent  tout  le  cours  de  leur  vie  a  se  iustifier  par  leurs  oeuvres  et  par  leurs  merites,  ayans  este  un  coup  iustifiez  par  foy,  c'est  a  dire  ayans  este  introduits  au  chemin.  Oar  Iesus  Christ  leur  ouvre  la  porte:  mais  c'esta  eux  d'entrer  [pag.  123]  (disentils)  et  de  parfaire  le  voyage.  Ils  ont  encores  un  autre  erreur:  car  ils  estiment  quand  ils  feront  quelque  bien  s'il  y  a  beaucoup  de  mal  mesle  parmy,  que  ce  bien  la  ne  laisse  point  de  venir  en  conte,  et  appellent  cela  iustice  partiale.  Ils  forgent  donc  une  iustice  de  pieces  et  de  lopins,  ils  en  prennent  des  morceaux  ca  et  la,  ils  tracassent  et  font  ie  ne  say  quel  meslinge,  la  ou  on  ne  cognoit  rien  car  tout  y  est  confus.  Et  disent  que  nous  sommes  iustifiez  de  premiere  entree  par  la  pure  grace  de  Iesus  Christ,  et  par  la  foy  puis  apres:  et  puis  encores  que  nous  sommes  iustifiez  par  nos  oeuvres,  et  en  partie  par  nos  satisfactions  qui  servent  pour  appaiser  Dieu  envers  nous,  et  pour  nous  acquitter  de  toutes  les  offenses  dont  nous  sommes  coulpables.  Toila  l'opinion  des  Papistes.  Or  regardons  en  quel  temps  Abram  a  este  iustifie,  comme  nous  avons  dit,  il  avoit  bien  desia  profite  en  toutes  vertus,  il  avoit  renonce  a  soy-mesmes  poiir  s'addonner  pleinement  a  Dieu.  Il  semble  bien  donc  qu'il  pouvoit  avoir  quelque  iustice  si  elle  a  este  en  creature  vivante:  et  neantmoins  sa  foy  luy  est  reputee  a  iustice.  Sainct  Paul  conclud  de  la  qu'il  n'y  a  nulles  oeuvres  pour  iustifier.  Et  quand  n'en  a-il  point  eu?  Apres  qu'il  a  tant  travaille  qu'il  pouvoit  estre  comme  un