7:694  sive  obiectum  fidei  nostrae.  Idololatriae  scelus  est  in  res  creatas  figere  aut  locare  salutis  fiduciam.  A  Deo  vero  vivo  et  aeterno  deficiunt  quicunque  praeter  Deum  aliam  sibi  salutem  fingentes  ponunt  IV.  Solus  Deus  est  qui  agit  per  sacramenta  et  totam  efficaciam  spiritui  sancto  ferimus  acceptam.  Deum  agere  aut  operari  in  fidelium  cordibus  dum  percipiuntur  sacramenta,  tutius  videtur  loqui  quam  dicere,  Deum  operari  per  sacramenta.  Nam  vocabulum  Per  videtur  rebus  inanimatis,  aquae,  pani  et  vino,  signis  inquam,  plus  tribuere  quam  tribuendum  est.  Recte  quidem  tribuitur  omnis  boni  efficacia  spiritui  sancto.  Loquutio  tamen  ita  sonat  quasi  externis  rebus  communicetur  etiam  efficacia  spiritus  sancti  incommunicabilis.  Dona  enim  Dei  ita  propria  sunt  spiritus  sandi,  ut  vera  religio  iubeat  credere  ne  apostolos  quidem,  longe  praestantiores  inanimatis  signis,  dare  spiritum  sanctum.  V.  Haec  actio  non  apparet  nisi  in  electis.  In  sacramentis  duae  sunt  actiones:  externa  et  interna.  Externa  communis  est  bonis  et  malis,  interna  bonis  duntaxat.  Pii  enim  soli  probant  sese:  soli  sunt  confoederati  Dei:  soli  memoriam  traditi  Christi  rite  celebrant  VI.  Nec  prosunt  sacramenta  quam  dum  ad  Christum  nos  manu  ducunt,  in  quo  quaerendum  quidquid  est  bonorum.  Credimus  sacramenta  esse  manuductiones  ad  Christum.  Id  ipsum  enim  dixit  apostolus  de  lege  quae  est  paedagogus  ad  Christum  (Gal.  3,  24).  Credimus  in  Christo  quaerendum,  non  in  signis,  quidquid  est  bonorum  coelestium.  Signa  testificantur  et  significant  illa  bona.  Per  sacramenta,  velut  signa,  dirigimur  ad  44*