23:694  plus  facile  que  nous  pourrons.  Or  comme  i'ay  desia  touche,  voici  nostre  A,  b,  c,  et  c'est  la  perfection  de  toute  nostre  sagesse.  Ne  sera-ce  pas  beaucoup  quand  nous  aurons  apprins  les  fondemens  de  nostre  foy?  et  quand  nous  saurons  quelle  entree  nous  devons  avoir  pour  profiter  en  l'escole  de  Dieu?  [pag.  120]  quelle  est  la  principale  clef  de  tout  Evangile,  et  que  nous  soyons  conduits  iusques  la,  d'avoir  le  vray  but,  que  nous  sachions  par  ou  il  nous  faudra  entrer  au  bon  chemin,  et  comme  nous  previendrons  iusques  a  l'heritage  que  Dieu  nous  propose?  Quand  donc  nous  penserons  que  ce  passage  nous  conduit  iusques  la,  il  est  certain  que  nous  y  serons  attentifs,  ou  le  devons  estre,  ou  nostre  ingratitude  sera  par  trop  vilaine.  Or  iusques  ici  les  choses  ont  este  demenees  assez  familierement,  en  sorte  qu'il  n'y  a  si  petit  enfant  qui  n'y  puisse  mordre.  Venons  a  l'article  que  i'ay  touche,  c'est  qu'Abram  n'a  rien  apporte  qui  soit  pour  estre  accepte  de  Dieu:  mais  il  s'est  du  tout  appuye  sur  la  pure  grace  et  liberalite  qui  estoit  contenue  en  la  promesse.  Or  regardons  maintenant  de  quel  temps  il  est  parle.  C'est  qu'Abram  avoit  desia  servi  a  Dieu  par  si  longue  espace  de  temps,  qu'on  eust  peu  bien  penser  qu'il  devoit  estre  quitte,  selon  que  les  hommes  voudroyent  tousiours  avoir  leur  conge.  Et  ainsi  il  sensuit  de  la,  qu'Abram  donc  tout  le  temps  de  sa  vie  a  este  'iustifie  par  ce  seul  moyen  de  la  foy.  Ceci  seroit  obscur  s'il  n'estoit  mieux  declaire.  Et  il  se  declairera  mieux  en  donnant  lustre  a  la  verite  par  les  mensonges  de  la  Papaute,  et  les  erreurs  dont  toutes  ces  escoles  infernales  sont  infectees.  I'ay  desia  dit  que  les  Papistes  confesseront  [pag.  121]  assez,  que  sans  la  foy  nous  ne  pouvons  estre  approuvez  de  Dieu  et  que  iamais  nous  n'aurons  nulle  faveur  de  luy.  Apres  ils  confesseront  ce  principe,  que  nous  sommes  maudits  en  Adam:  il  faut  donc  que  Iesus  Christ  nous  confere  la  premiere  grace  (disent-ils).  C'est  a  dire  d'autant  que  nous  sommes  plongez  en  perdition  par  le  peche  originel,  il  faut  que  Iesus  Christ  nous  en  retire.  Or  de  la  ils  deduisent  une  doctrine  faulse  et  pernicieuse  par  laquelle  ils  corrompent  tout  ce  que  Moyse  a  entendu,  et  que  sainct  Paul  a  tres-bien  expose.  Car  ils  disent  que  la  iustice  qu'ils  appellent  initiale  est  bien  de  la  foy,  et  de  la  foy  pure  et  simple,  mais  que  puis  apres  il  nous  faut  estre  iustifiez  en  nos  oeuvres  par  partie.  Or  ceci  est  obscur,  mais  ie  le  deduiray  en  telle  sorte  que  chacun  Pentendra.  Ce  mot  Initiale  emporte  commencement,  et  c'est  un  mot  escorche  du  latin  (comme  on  dit):  car  c'est  autant  comme  si  on  disoit,  la  iustice  de  son  commencement  en  la  pure  foy.  Les  Papistes  donc  confesseront  que  Dieu  nous  tient  pour  ennemis,  et  que  nous  luy  sommes  execrables,  d'autant  qu'il  n'y  a  en  nous  que  toute  puantise:  a  cause  donc  de  nos  44*