7:693  693  IOANNIS  CALVINI  PROPOSITIONES  DE  SACRAMENTIS.  Annotationes  breves  adscripsit  Henricus  JBiMingerus.  I.  Sacramentis  Dei  gratiam  non  alligamus.  Gratiam  sacramentis  alligari  intelligimus  quum  gratiam  simul  dari  et  percipi  credimus  aut  opinamur,  quando  sacramenta  percipiuntur.  Si  enim  gratiae  particeps  efficeris  et  percipis  dona  coelestia  quando  sacramenta  percipis,  certe  beneficio  sacramentorum  percipis,  atque  ita  gratia  sacramentis  coniuncta  aut  alligata  est  Iam  si  vos  sacramentis  gratiam  Dei  non  alligatis,  quare  ergo  dicitis:  quae  in  sacramentis  figurantur,  dicimus  electis  exhiberi?  Et  qui  baptismum  recipit  simul  remissionem  peccatorum  recipit?  Si  simul  percipit,  simul  ergo  coniuncta  sunt,  adeoque  gratia  alligata  est  signo.  Hic  non  video  quid  doctrina  vestra  discrepet  a  doctrina  papistarum,  qui  docent  sacramenta  conferre  gratiam  omnibus  sumentibus  ipsa.  II.  Ad  sacramenta  non  transferimus  spiritus  sancti  virtutem  aut  officium.  Virtus  et  officium  spiritus  sancti  est  coniungere  nos  Christo,  participes  nos  facere  Christi  et  omnium  donorum  coelestium.  Nota  enim  est  illa  Apostoli  sententia:  Et  per  hoc  scimus  quod  manet  in  nobis,  e  spiritu  quem  dedit  nobis  (1  Ioann.  3,  24).  Et  iterum:  Ex  hoc  cognoscimus  quod  in  eo  manemus,  et  ipse  in  nobis,  quoniam  de  spiritu  suo  dedit  nobis  (ib.  4,  13).  Hic  spiritus  vitalis  ille  succus  est  qui  e  vite  in  palmites  transfunditur  et  frugiferos  reddit  Quod  si  sacramentis  non  tribuitis  virtutem  et  officium  spiritus  sancti,  quomodo  dicitis  perceptione  sacramentorum  effici  ut  Christus  in  nobis  habitet,  et  nos  in  Christo,  et  ea  ratione  universis  Christi  bonis  fruamur?  III.  In  sacramentis  non  locamus  salutis  fiduciam.  Et  recte  quidem.  Solus  enim  Deus  est  spes  nostra,  anchora  salutis  aeternae,  ac  fundamentum  et  petra