23:693  693  SERMONS.  694  faut  donc  venir  au  iuge  celeste,  comme  il  en  est  parle.  Et  voila  pourquoy  notamment  Moyse  exprime  que  Dieu  a  repute  a  iustice  ce  qu9Abram  a  creu.  Et  si  tout  le  monde  eust  ainsi  estime  et  approuve  la  foy  d'  Abram,  et  quil  Peust  canonize  par  maniere  de  dire,  comme  si  c'eust  este  un  Ange,  tout  cela  neantmoins  n'eust  este  que  fumee,  mais  Dieu  prononce  ce  qui  en  est,  luy  qui  est  iuge  competant  et  auquel  il  appartient  de  [pag.  118]  donner  sentence  ou  d'absolution  ou  de  condemnation.  Quand  donc  Dieu  absout  ainsi  Abram,  et  qu'il  le  recognoit  et  tient  pour  iuste,  voila  le  principal.  Ainsi  donc  nous  voyons  maintenant  comme  Abram  a  este  iustifie  par  la  foy.  Sainct  Paul  dit  que  de  la  il  s'ensuit,  qu'il  n'a  peu  meriter  iustice  par  ses  oeuvres  et  qu'il  n'a  rien  apporte  de  son  propre  pour  estre  approuve  de  Dieu,  mais  qu'il  l'a  receu  gratuitement  le  faisant  estre  du  nombre  de  ses  enfans.  Et  de  fait  sainct  Paul  prend  ce  chemin  ici  quand  il  veut  disputer  de  la  iustification  gratuite  c'est  qu'il  veut  monstrer  qu'il  n'y  a  autre  esperance  de  salut  qu'en  la  pure  bonte  de  Dieu,  d'autant  qu'il  nous  pardonne  nos  pechez,  a  fin  que  nous  luy  soyons  agreables.  Quand  donc  sainct  Paul  entre  en  cest  argument-la,  il  prend  ce  theme  d'Abram:  car  il  presuppose  ce  qui  est  vray,  qu'il  n'y  a  point  divers  moyens  pour  estre  iustifiez  devant  Dieu,  il  n'y  a  qu'une  seule  reigle.  Si  donc  Abram  a  este  iustifie  par  la  foy,  il  faut  que  nous  le  soyons  tous  sans  exception.  D'avantage  s'il  se  pouvoit  trouver  en  un  homme  mortel  vertu  qui  meritast,  il  est  certain  qu'Abram  a  surmonte  tous  les  autres.  Nous  avons  desia  veu  comme  il  a  quitte  le  pays  de  sa  naissance,  comme  il  a  renonce  a  soymesmes  et  a  toutes  affections  humaines,  comme  il  a  obei  [pag.  119]  a  Dieu  en  tout  et  par  tout.  Nous  avons  veu  comme  il  a  este  patient,  et  comme  il  est  demeure  ferme  et  constant  au  milieu  des  tentations  et  comme  il  a  persiste  iusques  aii  bout  en  la  vocation  de  Dieu,  brief,  rien  ne  luy  a  deffailli.  Or  nous  sommes  bien  loing  d'une  telle  perfection.  Qui  sera  donc  celuy  qui  s'osera  vanter  de  pouvoir  obtenir  iustice  devant  Dieu  par  ses  merites,  veu  que  Abram  en  a  este  forclos?  Mais  il  nous  doit  suffire  de  ce  que  i'ay  touche,  c'est  assavoir  qu'il  n'y  a  qu'une  seule  reigle  pour  nous  rendre  agreables  a  Dieu:  c'est  celle  qui  nous  est  ici  monstree  en  la  personne  d'Abram.  Il  faut  donc  que  ceste  conclusion  soit  adioustee,  que  si  Abram  en  croyant  a  Dieu  a  este  iustifie  que  nos  oeuvres  ne  peuvent  rien  pour  nous  faire  approuver  de  Dieu,  et  pour  fonder  l'esperance  que  nous  devons  avoir  du  salut  eternel,  qu'il  faut  que  Dieu  nous  donne  le  tout  et  que  nous  ne  presumions  point  de  luy  rien  apporter  de  nostre  coste.  Cela  sera  deduict  plus  au  long:  mais  il  nous  faut  tenir  une  procedure  la