23:692  pour  le  bien  que  pour  le  mal,  c'est  que  Dieu  impute  iustice,  et  n'impute  point  les  pechez.  Quand  donc  il  est  dit  que  la  foy  a  este  imputee  ou  reputee  a  Abram,  c'est  a  dire,  qu'elle  a  abbatu  tout  ce  qui  vient  de  luy.  Mais  encores  ne  saurions-nous  pas  quelle  est  la  valleur  de  ce  mot  et  combien  il  poise,  sinon  par  l'opposite.  Car  quand  il  est  dit  que  les  pechez  nous  sont  imputez,  c'est  a  dire  que  les  registres  demeurent  la,  que  nos  procez  soint  faicts,  qu'il  ne  reste  que  donner  sentence  et  la  mettre  en  execution.  Or  mal-heur  sur  nous  cependant  que  Dieu  nous  impute  nos  fautes.  Car  il  es  dit,  bienheureux  [pag.  116]  sont  ceux  a  qui  Dieu  n'impute  point  les  pechez.  Et  par  consequent  maudit  soit  tout  le  monde  quand  Dieu  voudra  proceder  en  facon  de  iuge,  et  qu'il  voudra  faire  enqueste  de  nostre  vie.  Qu'est-ce  donc  que  la  foy  soit  imputee  a  iustice?  C'est  qu'elle  nous  soit  allouee  d'autant  que  nos  pechez  ne  nous  sont  point  imputez,  car  l'un  ne  peut  estre  entendu  sans  l'autre:  l'imputation  donc  de  iustice  fait  qu'il  n'y  a  plus  d'imputation  de  coulpe  pour  nous  iuger  et  condamner.  Car  l'imputation  en  iustice  vaut  autant  que  absolution  en  somme.  Yoila  donc  ce  mot  expose.  Or  regardons  qu'emporte  Iustice  :  ce  mot  n'est  pas  une  vertu,  comme  quand  on  dira  qu'un  homme  est  iuste,  quand  il  se  gouvernera  sans  reproche.  Mais  ceste  iustice  ici,  c'est  une  grace  que  Dieu  nous  fait,  d'autant  qu'il  nous  recoit  a  merci  et  veut  estre  reconcilie  a  nous  par  sa  pure  liberalite.  Ce  n'est  point  donc  une  qualite  qu'il  nous  Mile  cercher  aux  hommes  que  ceste  iustice  dont  parle  ici  Moyse:  mais  c'est  la  faveur  que  Dieu  nous  porte,  quand  il  luy  plait  d'ensevelir  nos  pechez  et  n'y  avoir  point  d'esgard:  et  au  reste  nous  tenir  comme  si  nous  avions  accompli  la  Loy.  Et  pourquoy  cela?  D'autant  que  Iesus  Christ  est  iuste,  et  la  iustice  qu'il  a  parfaite  en  soy  nous  est  imputee  et  alouee.  Que  tout  ainsi  qu'il  est  nostre  [pag.  117]  selon  qu'il  nous  est  donne  de  Dieu  son  Pere,  et  que  iournellement  il  s'offre  a  nous  par  l'Evangile,  ainsi  il  nous  communique  sa  iustice  quand  nous  le  possedons.  Et  Dien  l'avoue  comme  si  elle  estoit  sortie  de  nous  mesmes  et  de  nos  personnes.  Yoila  aussi  le  mot  de  Iustice  expose:  car  maintenant  ie  ne  fay  que  desboucher  les  choses  petit  a.  petit,  a,  fin  que  nous  ayons  puis  apres  le  vray  sommaire  de  tout.  Il  notis  faut  venir  au  nom  de  Dieu:  car  les  hommes  nous  pourront  bien  imputer  une  iustice  pour  l'apparence  qui  sera  en  nous  de  sainctete  et  de  vertu,  on  nous  pourra  applaudir,  il  y  aura  donc  des  imputations  beaucoup,  c'est  a  dire,  il  y  aura  des  adveus  de  iustice  et  des  imputations,  nous  serons  absouts,  nous  serons  mesmes  louez  et  prisez  tant  et  plus  quand  on  verra  que  nous  aurons  chemine  vertueusement:  mais  tout  cela  n'est  rien.  Il