23:691  691  SERMONS.  692  quant  au  mot  de  Croire.  {Abram  donc  a  creu  a  Dieu),  c'est  a  dire,  Abram  a  receu  la  promesse  par  laquelle  Dieu  luy  avoit  certifie  que  Dieu  luy  estoit  Sauveur,  il  a  ambrasse  nostre  Seigneur  Iesus  Christ  qui  luy  estoit  offert,  par  lequel  il  savoit  que  nous  sommes  reconciliez  a  Dieu,  combien  que  nous  meritons  de  luy  estre  ennemis,  et  qu'il  nous  face  la  guerre  mortelle,  d'autant  que  nous  sommes  pleins  de  peche  et  de  corruption.  Abram  donc  s'est  tenu  a  nostre  Seigneur  Iesus  Christ  et  a  este  pleinement  persuade  que  c'estoit  le  vray  bien  par  lequel  nous  sommes  conioincts  et  unis  a  Dieu,  tellement  que  nous  sommes  participans  de  sa  vie  et  de  tous  ses  biens.  Yoila  le  Croire  d'Abram,  a  fin  que  nous  ne  le  prenions  [pag.  114]  pas  si  maigrement  comme  les  Papistes  font.  Or  en  somme  nous  voyons  que  iamais  on  ne  cognoistra  que  mut  ce  mot  de  Foy  et  de  Croire,  sinon  qu'on  viene  a  ceste  melodie  de  la  Promesse  et  de  la  Reception.  Et  qu'est-ce  que  Dieu  dit  tant  souvent  par  ses  Prophetes:  Ie  vous  appeleray  mon  Peuple,  et  vous  direz:  Tu  es  nostre  Dieu?  Voila  Dieu  qui  parle  le  premier,  et  c'est  a  luy  aussi:  car  quelle  temerite  seroit-ce  que  ie  m'ingerasse  de  venir  a,  Dieu  et  l'appeler  mon  Pere,  moy  qui  ne  suis  non  seulement  qu'un  povre  ver  de  terre:  mais  qui  ne  suis  que  peche  et  infection  pour  estre  damne  a  iamais,  lequel  Satan  possede  de  nature,  comme  nous  sommes  tous  sous  sa  servitude:  et  ce  pendant  que  i'appelle  Dieu  mon  Pere?  Et  les  Anges  mesmes  n'en  sont  pas  dignes  en  eux-mesmes,  et  ce  pendant  que  i'aille  usurper  un  tel  honneur?  Mais  quand  il  a  prononce  ce  mot:  Ie  suis  ton  Pere,  alors  ce  n'est  plus  audace  et  presomption  mauvaise  que  nous-nous  tenions  du  nombre  de  ses  enfans,  mais  c'est  une  saincte  confiance  par  laquelle  nous  ratifions  sa  verite.  Et  c'est  le  plus  grand  honneur  que  nous  luy  sachions  faire,  quand  il  a  dit  le  mot,  que  nous-nous  tenions  la  et  y  acquiescer  du  tout.  Yoila,  di-ie,  le  vray  croire,  tel  qu'il  nous  est  ici  monstre  pour  exemple  et  instruction  en  Abram.  Or  il  est  dit  que  cela  luy  a  este  repute  a  iustice  [pag.  115]:  et  que  c'est  Dieu  qui  luy  a  repute.  Il  nous  faut  maintenant  exposer  ce  mot  de  Reputer,  et  puis  ce  mot  de  Iustice,  en  comprenant  aussi  le  nom  de  Dieu.  Ce  mot  do  Reputer  emporte  ce  que  nous  disons  alouer  ou  mettre  en  conte.  Comme,  quand  un  homme  doit,  s'il  a  paye,  cela  luy  est  aloue:  ou  bien  si  en  deduction  de  ses  debtes  il  monstre,  i'ay  fait  ceci,  i'ay  fait  cela,  et  bien  tout  luy  est  aloue  en  sorte  qu'il  en  est  quitte.  Or  en  nostre  langage  francois  Imputer  se  prend  tousiours  en  mauvaise  part:  on  ne  dira  pas  qu'une  vertu  soit  imputee  a  un  homme,  car  le  mot  d'Imputer  emporte  quelque  reproche  et  quelque  coulpe:  on  dira,  cela  luy  sera  impute  ii.  faute.  Or  l'Escriture  a  un  mot  commun  tant