8:690  per  insignem  apostasiae  illusionem:  aut  torpore  quodam  ad  mortuam  fidem  penitus  ducamur,  vitiis  carnis  obruti.  Ri  soli  sunt  duo  modi,  quibus  homo  per  spiritum  Christi  regenitus  ad  mortem  potest  peccare.  Qui  duo  modi  ad  unum  r  educuntur,  ad  ipsius  spiritus  fidei  iacturam.  Eadem  igitur,  quae  erat  fides  viva,  est  postea  fides  mortua,  nisi  quis  spiritum  fidei  dicat  esse  fidem.  Differunt  tamen  maxime,  quia  spiritus  fidei  est  Deus,  et  fides  est  actus  creatus  in  anima.  Per  spiritum  fides  eadem  Petri  facta  est  viva,  quae  antea  non  erat  ita  viva.  Sicut  peccatum  idem,  quod  ante  et  post  regenerationem  1)  vincitur  a  vita:  ita  fides  eadem  Christi  per  spiritum  gratiae  vincit  mortem,  et  sine  eo  vincitur  a  morte.  Fides  ergo  viva  est,  quam  spiritus  gratiae  vivificat.  Viva  fides  sensum  clarum  habet  vivificantis  spiritus,  et  certum  conscientiae  testimonium  de  Christo.  Fides  viva  est  [pag.  632]  qua  nos,  Christo  credendo,  Christum  in  nobis  vivere  sentimus.  Cognita  fide  viva,  facile  est  discernere  mortuam.  Quae  duobus  modis  mortua  dicitur.  Primo  modo  est  mortua  fides,  quae  nunquam  vixit,  quam  spiritus  gratiae  nunquam  vivificavit:  sed  mansit  velut  levis  quidam  historicus  assensus.  Semen  in  sterilia  loca  ita  iactum,  raptum,  aut  conculcatam,  ut  radices  non  iecerit.  Altero  modo  mortua  dicitur,  quae  iecit  aliquam  radicem,  prius  vixit,  sed  eam  postea  spiritus  reliquit,  ut  in  nihilum  abierit,  aut  mortua  manserit,  velut  fidei  cadaver.  Mortua  ergo  fides  est,  quae  est  sine  spiritu  vitae.  Mortua  fides  non  est  proprie  fides,  sicut  homo  mortuus  non  est  homo.  Mori  autem  sensim  in  nobis  dicitur  fides,  quando  tolluntur  vestimenta,  cessant  fomenta,  languent  opera,  frigescit  caritas,  viget  caro,  erumpunt  vitia,  exstinguitur  spiritus,  moritur  Christus.  Quod  tempore11)  nostro  sensim  ad  mortem  ruamus,  docet  Christus  in  Apocalypsi:  Quia  tepidus  es,  incipiam  te  vomere.  3)  Incipiam,  ait,  non  te  mox  perdam.  Ego  diu  te  exspecto,  tempus  resipiscendi  do:  tu  confirma  eos,  qui  ad  mortem  ruunt.  Memor  esto,  unde  excideris,  age  poenitentiam  et  prima  opera  fac.  Quod  si  in  malo  perseveres,  tollam  candelabrum  tuum,  et  tunc  penitus  morieris,  exstincta  lucerna.  Mori  in  nobis  tunc  dicitur  Christus,  qui  antea  vivebat  in  nobis.  Quicunque  per  spiritum  Christi  sumus  regenita  et  corporis  Christi  participes  facti,  si  in  nobis  moriatur  fides,  dicimur  Christum  intus  necare,  et  turpius  quam  Iudaei  eum  in  nobis  occidere,  a  quo  tanto  facinore  nos  Iesus  Christus  servet.  Amen.  1)  Haec  ex  MS.  sic  restituenda:  .  .  .  .  post  regenerationem  nobis  inest,  ante  regenerationem  nos  vincit  ad  mortem  et  post  regenerationem  vincitur  a  vita  caett.  2)  tepore.  3)  evomere.  44