23:690  ne  crain  point,  car  ie  suis  le  Dieu  tout  puissant,  qui  fay  tire  hors  de  Chaldee,  et  de  Eur  des  Caldeens,  et  comme  nous  verrons  cy  apres,  et  comme  desia  il  a  este  traite  en  partie  au  chap.  12.  Abram  donc  n'a  point  creu  a  Dieu  pour  ouir  je  ne  scay  quoy  qui  ne  luy  appartint  de  rien,  ou  pour  ouir  quelque  sentence  particuliere:  mais  il  a  creu  a  Dieu  quand  il  a  creu  qu'il  estoit  retenu  et  reserve  pour  estre  heritier  du  Royaume  des  cieux.  Voila  sa  croyance.  Pour  mieux  comprendre  le  tout,  notons  qu'il  y  a  une  foy  particuliere,  et  qu'il  y  a  une  foy  qui  comprend  tout  ce  qui  est  requis  a  nostre  salut.  Quand  maintenant  Dieu  nous  menaceroit,  ceux  mesmes  qui  sont  hypocrites  et  contempteurs  de  sa  parole,  pourroyent  estre  esmeuz  et  touchez  en  leurs  courages.  Ceste  foy-la  est  particuliere.  Combien  en  voyons-nous,  quand  on  leur  propose  [pag.  112]  le  iugement  de  Dieu,  qui  sont  esbahis,  et  qui  ont  vu  un  cautere  qui  les  brusle  la  dedans,  et  regardent  de  tous  costez  ce  qui  leur  pourra  advenir:  et  pourquoy?  En  despit  qu'ils  en  ayent,  il  faut  qu'ils  cognoissent  et  qu'ils  apprehendent  qu'ils  ne  peuvent  eschapper  de  la  main  du  Iuge  celeste.  Ceux-la  donc  ont  bien  quelque  espece  de  foy,  mais  ce  n'est  qu'en  partie:  c'est  une  piece  qui  ne  leur  peut  de  rien  servir:  comme  il  y  en  a  d'aucuns  qui  s'asseurent  sur  une  promesse  particuliere  quand  ils  se  verront  en  danger:  si  on  vient  a  les  consoler  en  lour  disant,  que  Dieu  leur  sera  pitoyable,  encores  pourront-il  s  savourer  ceste  parole-la,  mais  ce  n'est  que  pour  une  seule  attente.  Voila  un  homme  qui  sera  en  maladie  extreme,  ou  redige  en  povrete:  et  bien,  il  se  pourra  presenter  devant  Dieu.  Un  autre  se  trouvera  en  extremite  si  grande  qu'il  sera  confus,  et  toutesfois  il  ne  laissera  pas  encores  de  respirer  aucunement,  sachant  que  Dieu  le  secourra.  Or  toutes  ces  facons  de  croire  sont  particulieres,  et  ne  peuvent  suffire  a  nostre  salutr  et  par  consequent  ne  nous  peuvent  iustifier:  mais  quand  nous  serons  arrestez  a  l'adoption,  ou  gist  tout  nostre  bien,  c'est  que  nous  esperons  que  Dieu  nous  sera  Pere  iusques  a  la  fin:  comme  il  a  promis,  qu'estans  ses  enfans  nous  ne  pourrons  perir:  que  nous  le  pouvons  invoquer  comme  nostre  Dieu  pour  nostre  salut  [pag.  113]  infaillible.  Quand  donc  nous  aurons  ceste  promesse-la,  par  laquelle  Dieu  nous  conioinct  a  soy  et  s'allie  avec  nous  tellement  que  nous  ne  doutons  point,  que  iamais  il  nous  mette  en  oubli:  voila  une  foy  qui  comprend  toutes  les  promesses.  Car  (comme  dit  sainct  Paul)  la  crainte  de  Dieu  qui  procede  de  foy,  a  les  promesses  non  seulement  de  la  vie  a  venir,  mais  aussi  de  la  vie  presente.  Car  nous  pouvons  conclure  que  tout  ira  bien  pour  nous,  moyennant  que  Dieu  nous  recoyve  en  sa  grace  et  qu'il  nous  accepte.  Voila  donc  ea  somme  ce  que  nous  avons  maintenant  a  retenir,  44