9:69  69  CONTRA  WESTPHALUM.  70  tos,  non  satis  splendidis  elogiis  ornasse  sacramenta,  ac  de  ipsorum  effectu  disseruisse,  monendas  nunc  fuisse  aperte  ecclesias,  quatenus  et  in  quibus  facta  sit  Consensio.  Nam  sic  articulate  monuimus,  ut  nulla  pars  controversiae  omissa  fuerit.  Accessit  deinde  fusior  et  clarior  explicatio.  Quid  ergo  hoc  aliud  est,  quam  in  luce  caecutire,  quae  caecis  etiam  ipsis  manifesta  est?  An  hic  rursum  dicet  mihi  ancipitem  esse  linguae  gladium,  ut  si  profert  clara  testimonia  eum  pugnantia  loqui  arguam?  bi  praeterit,  accusem  perfidiae?  Ego  vero  optimo  iure  perfidiam  illi  obieci,  quod  ex  locis  truncatis  captiose  arripuit  quae  calumniae  obnoxia  essent,  et  simul  ostendi  non  aliunde  melius  convinci  [pag.  52]  eius  amentiam,  quam  ex  locis  ab  ipso  citatis,  quae  suspicionem  omnem  lectoribus  tollerent.  Excerpit  alicubi  dimidiam  sententiae  unius  partem,  et  de  altera  litem  nobis  intentat.  Ego  lectores  ad  librum  ablego,  cuius  inspectio  malitiam  Ioachimi  detegit  ac  convincit.  Alibi  quum  producta  ab  ipso  testimonia  ab  eius  calumniis  nos  liberent,  cur  dissimulem  ipsum  secum  pugnare?  Quare  non  est  quod  mihi  ancipitem  gladium  exprobret,  qui  utrinque  se  misere  conscindit,  duosque  mihi  gladios  suppeditat,  quorum  1)  aciem  frustra  obtuso  suo  dilemmate  retundere  voluit.  Certe  etiam  si  nullo  a  me  ictu  feriatur,  modis  omnibus  deprehenditur  calumniator,  dum  nos  falsae  invidiae  subiicere  volens,  nihil  in  sacramentis  praeter  nuda  et  vacua  signa  relinquere  causatus  est.  Atqui  si  quid  habeat  Luthero  affine,  eius  autoritate  crimen  hoc  probe  dilutum  esse  putat.  Scripsisse  autem  Lutherum  refert,  sibi  eodem  esse  loco  quicunque  credere  renuunt  in  sacra  coenW  verum  et  naturale  esse  Christi  corpus.  Hoc  quidem  nimis  imperiose,  qui  sententias  longe  remotas  adeo  non  dignatur  discernere,  ut  praeter  naturam  [pag.  53]  misceat.  Atque  hic  locus  amplo  documento  est,  quam  non  temere  dixerim  Lutherum  pravis  delationibus  accensum  nimis  vehementer  causam  hanc  egisse.  Quis  enim  non  melius  sibi  temperaturum  fuisse  videt,  nisi  alieno  impulsu  provectus  esset  ad  hanc  hyperbolen?  Parum  certe  honorifice  de  Luthero  sentit  Westphalus,  et  alios  sentire  vult,  mediocre  ei  iudicium  adimens,  ut  inter  inane  et  imaginarium  spectrum,  et  spiritualem  Christi  participationem  non  discernat.  In  sacra  coena  vere  nos  fieri  Christi  participes  asserimus,  ut  vitam  arcana  spiritus  virtute  ex  carne  sua  in  animas  nostras  instillet.  Ita  panis  non  inanis  est  rei  absentis  pictura,  sed  verum  ac  fidele  nostrae  cum  Christo  unionis  pignus.  Dicet  quispiam  non  aliter  panis  symbolo  adumbrari  corpus  Christi,  quam  mortua  statua  Her-  1)  desquels  quand  il  a  pense  puis  apres  reboucher  le  trenchant  par  son  argument  qui  n'a  point  de  nez,  ce  n'a  este  que  peine  perdue  pour  luy.