7:69  69  CONTRE  LES  ANABAPTISTES.  70  assavoir  si  pour  ce  deffaut  il  nous  en  faut  separer,  et  qu'il  ne  nous  soit  licite  de  la  recevoir  la  Cene?  Les  Anabaptistes  [page  41]  disent,  que  par  tout  ou  les  mauvais  ne  sont  excluz  de  la  communion  du  Sacrement,  l'homme  Chrestien  se  pollue  en  y  communiquant.  Nous  au  contraire  disons,  qu'un  Chrestien  doit  bien  estre  triste,  quand  il  voit  la  saincte  Cene  estre  pollue  par  la  reception  des  meschans  et  indignes:  et  doit  procurer  entant  qu'en  luy  est,  que  cela  no  se  face  pas.  Toutesfois  s'il  se  fait,  qu'il  ne  luy  est  pourtant  licite  de  se  retirer  de  la  communion,  et  se  priver  de  la  Cene:  mais  qu'il  doit  tousiours  perseverer  d'adorer  Dieu  avec  les  autres,  ouyr  la  parolle  et  recevoir  la  Cene,  cependant  qu'il  habite  au  lieu.  Que  les  Anabaptistes  produisent  leur  autheur  pour  approuver  leur  dire.  Quant  a  nous,  nous  ne  disons  rien  que  suyvant  nostre  Seigneur  Iesus  et  tous  les  Prophetes  et  Apostres.  Nous  voyons  les  vices  que  taxent  les  Prophetes  en  l'Eglise  de  Iudee,  ou  plustost  les  abominations,  contre  lesquelles  ilz  crient.  Cela  n'est  pas  pour  un  estat:  1)  mais  ilz  disent  que  depuis  le  gouvernement,  tant  spirituel  que  temporel,  iusque  au  commun  peuple  tout  estoit  tant  corrompu,  qu'a  grand'  peine  y  avoit-il  un  seul  membre  sain  (Ies.  1,  6).  Ce  sont  leurs  parolles.  Ont-ilz  pourtant  laisse  de  convenir  avec  le  peuple  [page  42]  ainsi  pervers  et  meschant,  pour  adorer  Dieu,  pour  faire  les  sacrifices,  pour  ouyr  la  doctrine  de  la  Loy?  Ont-ilz  faict  un  autel  ou  un  temple  a  part,  pour  avoir  une  Eglise  pure?  Si  l'homme  fidele  est  pollut  en  participant  avec  les  meschans  a  faire  prieres,  et  recevoir  tant  la  doctrine  que  les  Sacremens  de  nostre  Seigneur,  voila  tous  les  Prophetes  polluz,  et  qui  sont  comme  capitaines  pour  nous  mener  tous  en  perdition  par  leur  exemple.  Venons  a  nostre  Seigneur  Iesus  et  a  ses  Apostres.  Nous  savons  pour  le  premier,  quel  estoit  l'estat  de  l'Eglise  de  Ierusalem  en  ce  temps  la.  Toutesfois  nostre  Seigneur  Iesus  a  voulu  estre  circoncis  communement  avec  les  autres.  Puis  au  iour  de  la  purgation  il  a  voulu  estre  apporte  au  Temple  pour  estre  presente  a  Dieu,  a  la  facon  accoustumee  (Luc  2,  21  suiv,).  Si  on  allegue  qu'il  a  este  receu  par  les  mains  d'un  sainct  personnage,  assavoir  Simeon:2)  ie  respons  que  tout  cela  se  faisoit  au  nom  de  l'Eglise,  laquelle  estoit  remplie  de  beaucoup  d'ordures  et  d'abominations.  Si  on  replique  qu'il  estoit  petit  enfant,  et  pourtant  que  ce  n'est  pas  son  propre  faict:  ie  respons  qu'il  estoit  tellement  petit  enfant  en  la  nature  humaine,  qu'il  avoit  prinse  de  nous,  1)  Neque  vero  reprehensiones  illae  competunt  in  unum  genus  hominum.  2)  assavoir  Simeon,  manque  dans  le  latin.