58:69  69  DE  IACOB  ET  ESAU.  70  faux  pas  pour  les  faire  trebucher  si  lourdement,  que  chacun  en  aura  honte.  Et  ainsi,  apprenons  encore  qu'en  general  nostre  Seigneur  nous  ait  formez  et  faconnez  par  son  saint  Esprit,  tellement  que  chacun  nous  ait  en  admiration,  qu'en  particulier  nous  pourrons  trebucher.  Ainsi  soions  tousiours  sur  nos  gardes,  et  au  reste,  ceux  qui  sont  les  plus  excellens,  quand  il  leur  adviendra  de  faillir  en  quelque  endroit,  qu'ils  ne  facent  point  bouclier  de  ce  qu'ils  ont  fait  tant  de  bons  actes,  et  dignes  de  louanges:  qu'ils  n'alleguent  point  leurs  prouesses  (comme  on  dit)  mais  qu'ils  se  recognoissent  tels  qu'ils  sont,  pour  dire.  Et  bien  tant  y  a  que  Dieu  a  voulu  que  ie  me  recognoisse  estre  homme  fragile:  et  mesme  que  ie  recognoisse  en  general  que  ce  ne  sont  pas  les  hommes,  qui  se  maintienent:  car  il  ne  faut  qu'une  seule  faute  pour  nous  faire  retrencher  de  l'eglise.  Et  quand  Dieu  nous  aura  abandonnez,  que  sera-ce?  Ainsi,  que  nous  aprenions  toutes  ces  choses  en  la  personne  de  nostre  pere  Isaac,  quand  nous  voions  qu'il  a  este  ainsi  esblouy,  et  qu'il  ne  s'est  point  souvenu  qu'il  estoit  comme  rebelle  a  Dieu,  en  prisant  ce  que  Dieu  avoit  reiette,  et  en  desdaignant  son  fils  puisnay,  auquel  toutefois  Dieu  avoit  assigne  ce  tesmoignage-  la,  Qu'il  faloit  qu'il  dominast  en  la  maison.  Or  cependant,  combien  que  Rebecca  ait  este  bien  reglee  en  son  affection,  et  qu'elle  ait  cerche  d'obeir  a  Dieu:  toutefois  il  ne  s'est  peu  faire  qu'il  n'y  ait  eu  quelque  pique  entre  eux:  ainsi  qu'il  en  avient  tousiours,  et  c'est  ce  que  Moise  dit,  Qu'Isaac  aimoit  Esau,  et  que  Rebecca  aimoit  Iacob  :  et  quand  il  parle  ainsi,  c'est  comme  s'il  monstroit  qu'il  y  a  eu  un  combat  en  la  maison,  et  qu'ils  n'ont  peu  s'accorder  ensemble,  pour  dire  que  le  mari  et  la  femme  aimassent  egalement  leurs  enfans,  comme  ils  y  devoient  estre  enclins  de  nature:  ou  bien  qu'ils  cogneussent  que  la  volonte  de  Dieu  estoit  d'aimer  le  plus  ieune.  Or  nous  sommes  advertis  en  cest  endroit,  encores  que  nos  affections  soient  bien  fondees  et  qu'elles  se  rapportent  a  bonne  fin:  toutefois  il  y  a  des  traverses  tousiours,  qui  sont  vicieuses.  Exemple,  Ie  cercheray  de  suivre  Dieu,  et  de  me  conformer  pleinement  a  sa  volonte:  or  il  y  aura  des  contredits,  et  il  faudra  que  i'acquiere  mauvaise  grace  envers  l'un,  que  ie  me  face  ennemi  de  l'autre,  pour  m'acquiter  de  mon  devoir.  Ainsi,  il  est  vray  que  le  commencement  sera  bon,  quand  ie  desireray  de  bienfaire,  et  que  ie  regarderay  a  Dieu:  mais  tous  les  coups  si  nous  adviendra-il  qu'en  nostre  bon  zele  encores  nous  serons  excessifs,  et  qu'il  y  aura  de  nos  passions  charnelles.  Bref,  ceux  qui  seront  les  mieux  reglez,  et  qui  auront  la  plus  grande  perfection,  il  est  certain  qu'encore  passeront-ils  mesure  en  cest  endroit  et  qu'ils  se  monstreront  hommes  :  et  tant  plus  devons  tenir  nos  passions  pour  suspectes:  et  encore  que  nous  voyons  que  la  fin  n'est  pas  bonne,  nous  ne