54:69  69  SUR  LA  SECONDE  A  TIMOTHEE.  70  et  qui  cognoissent  la  charge  qui  leur  est  commise,  pensent  bien  a  ceste  admonition,  Que  pour  edifier  l'Eglise  de  Dieu  et  le  troupeau  qui  leur  est  commis,  ce  n'est  point  assez  qu'ils  s'abstienent  de  mettre  en  avant  doctrine  fausse  et  erronee,  mais  il  faut  qu'ils  asseurent  le  peuple,  tellement  qu'il  puisse  recognoistre  qui  c'est  qui  parle:  et  qu'ils  Paccoustument  a  cela:  et  que  ceux  qui  escoutent,  puissent  concevoir  une  certaine  persuasion,  pour  dire,  Nous  scavons  que  ceci  n'est  point  des  hommes  mortels,  ce  ne  sont  point  fables  qu'on  nous  conte,  mais  nous  voyons  la  une  maieste  de  Dieu,  nous  voyons  une  droite  et  pure  simplicite  de  l'Escriture  saincte.  Que  doncques  nous  ayons  cela  pour  recommande,  que  les  auditeurs  ausquels  nous  preschons  l'Evangile  puissent  avoir  cela  comme  enregistre  et  seelle  en  leurs  coeurs,  qu'ils  sont  enseignez,  non  point  de  nos  inventions  et  phantasies,  mais  de  ce  que  Dieu  nous  a  monstre,  et  de  ce  que  nous  avons  receu  de  luy.  Au  reste,  comme  ici  les  ministres  de  la  parole  de  Dieu  doyvent  monstrer  le  chemin,  aussi  faut-il  qu'un  chacun  chrestien  en  son  ordre  face  le  semblable,  et  que  nous  taschions  d'estre  tellement  enseignez,  que  nous  puissions  protester  que  nous  ne  tenons  rien  des  creatures,  mais  que  nous  avons  la  pure  et  simple  verite  de  nostre  Dieu.  Or  si  nous  regardons  a  nostre  temps,  on  verra  que  ceci  est  plus  que  necessaire.  Car  auiourd'huy  il  y  a  tant  d'esprits  volages  que  c'est  pitie.  Et  puis  nous  en  verrons  beaucoup  qui  ne  demandent  que  de  se  mettre  en  credit:  voire,  et  cependant  ii  y  a  un  mespris  de  Dieu,  et  une  impiete  si  vileine,  que  beaucoup  ne  font  nul  scrupule  de  falsifier  toute  la  doctrine  de  salut:  et  le  monde  aussi  est  digne  d'avoir  de  tels  docteurs.  Car  combien  y  en  a-ii  qui  desirent  d'estre  conduits  droitement  a  Dieu  ?  Nous  voyons  que  tous  quasi  ont  les  aureilles  chatouilleuses,  qui  sont  menez  de  vaine  cupidite,  qui  ne  demandent  sinon  ie  ne  scay  quoy  de  nouveau.  Or  nostre  Seigneur  permet  quo  telles  gens  soyent  remplis  de  vent  et  de  fumee.  Et  voila  pourquoy  on  en  verra  tant  auiourd'huy  qui  ne  font  que  depraver  l'Escriture  saincte,  et  la  falsifier,  la  desguisans  s'ils  ne  peuvent  du  tout  batailler  a  l'encontre.  Et  ainsi  pratiquons  ceste  admonition,  voyans  qu'on  ne  tasche  sinon  de  desguiser  le  langage  du  sainct  Esprit,  que  nous  retenions  ce  pourtraict  qui  est  tire  au  vif,  dont  parle  sainct  Paul:  que  nous  soyons  tout  accoustumez  a  ce  que  nostre  Seigneur  nous  a  enseigne  en  l'Escriture  saincte,  tellement  que  si  tost  qu'on  nous  apportera  quelque  doctrine  de  nouveau,  nous  la  puissions  appercevoir,  ouy  de  loin,  pour  nous  en  garder.  Et  afin  que  ceci  ne  nous  soit  point  difficile,  sainct  Paul  adiouste,  En  la  foy  et  charite  qui  est  en  Iesus  Christ  II  avoit  dit  auparavant,  Lesquelles  tu  as  ouyes  de  moy.  Car  il  est  besoin  de  discerner