51:69  69  SUR  L'EPITRE  AUX  GALATES.  70  le  fardeau,  qu'ils  chevauchent  sur  leurs  iniquitez,  ils  en  font  leurs  triomphes  et  s'eslevent  en  haut  comme  s'ils  vouloyent  desfier  pleinement  Dieu.  Voila  donc  la  diversite  qui  est  entre  ceux  qui  sont  dignes  d'estre  supportez,  et  entre  ceux  contre  lesquels  on  peut  exercer  toute  rigueur:  car  les  uns  sont  courbez,  et  portent  un  fardeau  qui  leur  est  bien  pesant,  et  duquel  ils  sont  bien  accablez:  et  ce  sont  ceux  la  que  nostre  Seigneur  Iesus  aussi  appelle  a  soy:  car  il  dit,  Venez  a  moy  vous  tous  qui  estes  chargez  et  travaillez,  et  ie  vous  soulageray,  et  vous  trouverez  repos  a  vos  ames.  Nostre  Seigneur  iesus  n'appelle  pas  tous  sans  exception  a  soy:  mais  il  donne  une  marque  a  ceux  qui  peuvent  avoir  acces  pour  obtenir  grace,  c'est  qu'ils  soyent  chargez:  c'est  a  dire  qu'ils  ne  se  baignent  point  en  leurs  pechez  pour  en  faire  delices,  et  qu'ils  ne  s'y  glorifient  comme  effrontez  :  mais  qu'ils  voudroyent  avoir  allegement  et  ne  l'ont  pas  en  eux  mesmes.  Il  dit  donc  qu'il  est  prest  de  les  traitter  avec  humanite.  Et  voila  aussi  pourquoy  sainct  Paul  au  7.  chap.  des  Romains  dit  qu'il  ne  fait  pas  le  bien  qu'il  voudroit:  mais  le  mal  qui  ne  voudroit  point.  Or  sainct  Paul  parle  la  de  soy-mesme,  combien  qu'il  fust  comme  un  Ange  de  Dieu,  conversant  en  ce  monde,  qu'il  fust  un  miroir  de  toute  sainctete:  si  est-ce  neantmoins  qu'encores  gemit  il,  et  dit  qu'il  est  maudit.  Et  pourquoy?  car  il  est  tenu  comme  captif  en  une  prison,  d'autant  qu'il  n'a  pas  la  liberte  de  se  pouvoir  addonner  pleinement  a  Dieu:  car  il  en  est  empesche  par  ses  vices.  Or  si  sainct  Paul  en  a  ainsi  este,  que  sera-ce  de  nous?  mais  cependant  nous  voyons  comme  il  nous  faut  prendre  ce  mot  de  Fardeau,  quand  il  est  dit  que  nous  portions  les  charges  l'un  de  l'autre.  Sainct  Paul  en  cela  nous  exhorte  de  nous  supporter  mutuellement:  et  si  quelqu'un  ne  fait  son  devoir,  il  ne  faut  pas  pourtant  desirer  de  tousiours  estre  enclins  a  pitie,  et  d'user  de  ceste  mansuetude  dont  il  a  parle.  Bref  il  nous  declare  que  nous  sommes  conioints  a  telle  condition,  que  si  quelqu'un  est  charge,  et  qu'il  soit  trop  debile,  que  nous  devons  suppleer  a  son  defaut  et  son  infirmite  (comme  i'ay  desia  dit),  que  sans  estre  exhortez  par  la  parole  de  Dieu,  desia  de  nature  nous  devons  estre  enclins  a  cela.  Quand  nous  irons  par  pays,  et  que  nous  serons  ensemble,  si  nous  voyons  quelqu'un  estre  par  trop  charge,  chacun  taschera  a  luy  donner  courage:  et  pour  ce  faire  mesmes  nous  le  deschargerons,  et  ehacun  prendra  une  partie  de  sa  charge.  Puis  qu'ainsi  est  donc,  considerons  que  les  pechez  que  nous  commettons  par  infirmite  sont  charges,  scachons  que  la  il  nous  faut  prester  les  espaules,  pour  soulager  ceux  qui  en  sont  comme  accablez:  non  pas  qu'il  nous  sale  (comme  i'ay  desia  dit)  user