45:69  69  MATTH.  L  LUC.  II.  70  pinquos  Deo  sub  lege,  suisse  vero  illi  capitale  cum  gentibus  dissidium,  non  aliud  sibi  vult  quam  Deum  tunc  in  umbris  et  figuris  dedisse  praesentiae  suae  signa  populo,  quem  adoptaverat.  Vigebat  enim  illa  promissio,  Deus  in  medio  tui:  item,  Haec  requies  mea  (Deut.  7,  21;  Psal.  132,  14).  Sed  quum  familiaris  illa  populi  cum  Deo  coniunctio  a  mediatore  penderet,  quod  re  ipsa  nondum  plene  exstabat,  symbolis  adumbratum  fuit.  Sedes  eius  ac  domicilium  locatur  inter  Cherubim,  quoniam  arca  gloriae  eius  figura  et  visibile  pignus  erat.  Sed  in  Christo  solida,  non  amplius  umbratilis  Dei  praesentia  populo  exhibita  fuit.  Qua  ratione  dicit  Paulus  (Col.  2,  9),  in  eo  habitare  omnem  deitatis  plenitudinem  corporaliter.  Et  sane  non  aliter  legitimus  esset  mediator,  nisi  individua  utriusque  naturae  in  ipso  connexio  homines  Deo  adiungeret.  Neque  est  quod  obstrepant  Iudaei,  transferri  saepe  Dei  nomen  ad  ea  monumenta,  in  quibus  se  fidelibus  adesse  testatus  est.  Negari  enim  non  potest,  quin  hoc  nomen  tacitam  in  se  antithesin  contineat,  quae  Dei  praesentiam  in  Christo  exhibitam  comparat  cum  toto  praesentiae  genere,  quale  ante  eius  adventum  patefactum  veteri  populo  fuit.  Si  vere  constare  coepit  huius  nominis  ratio,  ex  quo  apparuit  Christus  in  carne,  sequitur,  olim  non  in  solidum,  sed  ex  parte  duntaxat  Deum  coniunctum  fuisse  cum  patribus.  Unde  rursum  conficitur,  Christum  esse  Deum  in  carne  manifestatum.  Functus  quidem  est  mediatoris  officio  usque  ab  initio  mundi,  sed  quia  hoc  totum  ab  ultima  revelatione  pendebat,  tunc  merito  demum  quasi  nova  persona  indutus  vocatur  Immanuel,  quum  in  medium  sacerdos  procedit,  qui  corporis  sui  victima  hominum  peccata  expiet,  sanguinisque  sui  pretio  eos  reconciliet  patri,  denique  omnes  humanae  salutis  partes  compleat.  Ita  priore  quidem  loco  reputanda  nobis  est  in  hoc  nomine  divina  Christi  maiestas,  ut  reverentiam  apud  nos  obtineat,  quae  unico  debetur  et  aeterno  Deo.  Sed  minime  interim  negligentius  est  fructus,  quem  inde  a  nobis  Deus  colligi  ac  percipi  voluit.  Quoties  enim  Deum  et  hominem  conspicimus  in  una  Christi  persona,  certo  statuere  licet,  Deum  nos  possidere,  si  Christo  fide  coniuncti  sumus.  Quod  in  verbo  vocandi  mutatus  est  numerus,  minime  dissentaneum  est  ab  iis,  quae  prius  disserui:  unam  quidem  virginem  alloquitur  propheta,  et  ideo  secunda  persona  utitur,  vocabis.  Sed  ex  quo  promulgatum  fuit  hoc  nomen,  communis  piorum  omnium  haec  confessio  est,  quod  Deus  se  nobis  fruendum  in  Christo  dederit.  24.  Excitatus  Ioseph.  Promptitudo  obsequii,  quae  hic  describitur,  non  minus  ad  testandam  certitudinem  fidei  Ioseph  quam  ad  obedientiae  laudem  facit:  nisi  enim  exemptus  fuisset  omnis  scrupulus  probeque  sedata  eius  conscientia,  nunquam  ita  ala-