44:69  69  CAPUT  III.  70  felicius,  quam  quiete  vivere:  ac  ideo  vacuum  et  solutum  esse  omni  metu.  Quod  Dominus  tanquam  praecipuum  bonum  populo  suo  promittit.  14.  Exsulta  filia  Sion  (vel  iubila)  exsulta  Israel,  gaude  et  exsulta  toto  eorde  filia  Ierusalem.  15.  Abstulit  Iehova  iudicia  tua,  purgando  avertit  inimicos  tuos,  rex  Israel  Iehova  in  medio  tui,  non  videbis  malum  amplius.  Confirmat  propheta  superiorem  doctrinam  exhortans  fideles  ad  gaudium,  quasi  iam  prae  oculis  exstaret  quod  ante  pollicitus  est.  Sic  enim  prophetae,  quo  magis  animent  fideles  ad  bene  sperandum,  provocant  eos  ad  testandam  suam  gratitudinem,  ac  si  iam  gratia  Dei  illis  esset  in  manibus.  Certum  est,  doctrinam  hanc  fuisse  eo  consilio  propositam  Iudaeis,  ut  in  ipso  exsilio  et  extrema  desperatione  nihilominus  sese  accingerent  ad  gratias  Deo  agendas:  quasi  votorum  suorum  iam  damnati  essent,  ut  loquuntur.  Sed  tenendum  est  consilium  prophetae  nostri:  et  communis  etiam  illa  ratio  quam  sequuntur  omnes  prophetae.  Perinde  enim  fideles  hortantur  ad  Deum  laudandum,  ac  si  iam  fruerentur  bonis,  quae  tamen  procul  adhuc  sunt  remota  et  videntur  etiam  esse  abscondita  ab  ipsorum  sensu.  Nunc  ergo  tenemus  in  quem  finem  hic  propheta  hortetur  Iudaeos  ad  Deum  laudandum.  Gratulatur  enim  ipsis  ac  si  iam  fruerentur  ea  felicitate,  a  qua  (  procul  aberant.  Sed  quia  non  simplex  est  gratulatio,  simul  etiam  tenendum  est,  Deum  tam  liberaliter  agere  erga  ecclesiam  suam,  ut  fideles  ad  gratitudinem  incitet.  Nam  polluimus  omnia  eius  beneficia,  nisi  saltem  referimus  sacrificium  laudis,  ut  alibi  dictum  fuit.  Et  ad  eandem  confirmationem  spectat  repetitio,  quae  alioqui  videri  posset  supervacua,  Exsulta  filia  Sion,  iubila,  gaude,  laetare  toto  corde  filia  Ierusalem.  Sed  non  abs  re  hanc  vehementiam  propheta  adhibuit:  quia  videbat  quam  difficile  esset  erigere  animos  afflictos,  quum  praesertim  nihil  spei  Deus  ostenderet  secundum  rationem  carnis.  Sed  voluit  hac  verborum  congerie  ipsos  armare,  ut  possent  alacrius  luctari  cum  tot  et  tam  duris  et  arduis  tentationibus*  Postea  adiungit,  Deum  abstulisse  iudicia  Sionis.  Iudicia  intelligit  poenas,  quae  fuissent  infligendae  si*Domino  propositum  fuisset  iure  agere  cum  Iudaeis:  quemadmodum  si  quis  lingua  nostra  diceret,  Pay  brusle  tous  tes  proces.  Significat  igitur  Deum  nolle  amplius  inquirere  de  peccatis  populi  sui.  Scimus  variis  modis  accipi  nomen  iuDt^D  apud  Hebraeos:  sed  hoc  loco,  quemadmodum  dixi,  significat  quod  dicimus  gallice,  Toutes  procedures.  Denique  ita  pronuntiat  Deus  sepulta  esse  peccata  populi'sui,  ut  quodammodo  exuat  personam  iudicis  et  remittat  ius  suum,  ita  ut  nolit  amplius