42:69  69  SUR  LE  XI.  CHAP.  DE  DANIEL.  70  este  donnes,  il  estoit  de  ceux  qui  avoient  donne  courage  aux  infirmes,  et  qui  avoit  tant  fait  que  tout  Tordre  de  la  religion  n'estoit  point  confus.  Celuyla  donc  connoissoit  bien  ce  qui  avoit  este  dit  par  l'ange  a  Daniel,  et  connoissoit  aussi  que  Dieu  Pappeloit  a  cette  charge,  et  a  cet  office  la.  Or  il  est  dit  que  ce  sera  une  aide  petite  et  foible,  (comme  aussi  elle  ha  este)  car  Mathatias  se  retira  voiant  qu'il  n'y  avoit  plus  lieu  de  se  tenir  en  Ierusalem,  il  se  retira  par  les  deserts  avec  ceux  qui  avoient  zele  de  servir  a  Dieu:  or  c'estoit  une  griefve  tentation  pour  les  fideles,  et  pour  ceux  qui  estoient  avec  luy  en  bien  petit  nombre,  car  ii  n'estoit  point  question  seulement  de  quitter  leurs  maisons,  et  leurs  biens,  pour  s'en  aller  d'un  lieu  a  l'autre,  et  porter  quelque  substance  avec  eux,  mais  il  estoit  question  de  quitter  la  ville  de  Ierusalem,  et  tout  le  pays,  et  s'en  aller  aux  cavernes,  et  aux  montagnes  en  danger  de  mourir  de  faim,  et  puis  d'estre  persecutes  de  tout  le  monde,  car  ceux  mesmes  du  pays  les  estimoient  gens  mutins,  qui  esmouvoient  les  guerres,  car  le  Roy  Antiochus  voiant  leur  constance,  il  envoioit  grosses  armees,  et  sous  umbre  de  cela,  il  y  avoit  des  pillages  et  saccagemens  beaucoup,  on  pilloit  les  maisons,  le  sang  estoit  espandu  de  toutes  parts.  Ainsi  donc  tous  les  Iuifs  qui  s'estoient  revoltes,  qui  s'estoient  destournes  de  la  loy  de  Dieu,  crioient  apres  ces  pauvres  gens  qui  ne  se  vouloient  point  corrompre,  et  polluer  en  laissant  leur  religion,  et  comment?  vous  estes  cause  de  tout  le  mal  que  nous  endurons  par  vostre  rage,  vous  estes  trop  obstines,  et  ne  faut-il  pas  un  peu  fleschir,  et  s'accommoder  au  monde?  Quand  vous  voules  estre  si  fermes  en  vostre  opinion,  vous  estes  cause  de  la  perdition  de  tout  le  pays,  et  par  vostre  obstination  il  adviendra  encores  plus  de  maux  que  iamais,  le  temple  sera  pille,  et  saccage  du  tout,  vous  devries  attendre  que  la  fureur  du  roy  se  passast,  mais  vous  allumes  le  feu  d'avantage:  voila  donc  les  reproches,  et  les  iniures  qu'on  leur  faisoit,  et  cependant  ils  estoient  dechasses  et  hais  de  tout  le  monde,  qu'il  faloit  qu'ils  se  retirassent  aux  deserts  comme  pauvres  bestes,  et  comme  il  est  parle  en  l'onzieme  de  l'Epitre  aux  Hebrieux,  ils  avoient  plus  de  misericorde  des  bestes  sauvages  que  des  hommes  mortels.  Ainsi  donc  notons  bien  cela,  Et  mesmes  Mathatias  ne  regardoit  point  a  la  puissance  qu'il  avoit,  ceux  qui  s'estoient  conioints  a  luy,  ne  regardoient  point  s'ils  pourroient  soustenir  Antiochus,  car  aussi  c'estoit  une  moquerie.  Voila  Antiochus  qui  envoie  pour  un  coup  cinquante  mille  hommes,  et  Mathatias  n'en  ha  que  trois  cens,  il  est  vray  que  par  quelque  espace  de  temps,  il  en  amasse  environ  dix  mille  hommes,  mais  quels  gens  sont-ce?  ils  sont  duits  a  l'espee  comme  ceux  qui  ne  demandoient  que  de  servir  a  Dieu  paisiblement,  et  toutesfois  ils