41:69  69  IN  DANIELEM.  CAP.  VII.  70  illam  conspexit,  quae  formidabilis  erat  prae  aliis  tribus,  ita  ut  nomen  non  posset  reperiri,  neque  etiam  figura.  Quoniam  igitur  Deus  magnum  aliquid  ostenderat  in  imagine  quartae  bestiae,  ideo  affecit  prophetam  suum,  ut  expergefieret  ad  intelligentiam  illius  mysterii.  Hac  etiam  ratione  nunc  interrogat  angelum.  Dicit  igitur  se  optasse  veritatem  super  quarta  bestia.  Iam  repetit  simul  quae  ante  vidimus,  quod  scilicet  diversa  esset  ab  aliis.  Et  certe  memorabile  fuit  illud  discrimen,  quod  tot  reges  fuerint  subiugati  a  Romanis.  Si  enim  reputamus  qualis  fuerit  illius  gentis  origo,  pauci  latrunculi  occuparunt  locum  desertum:  deinde  audacia  et  quodam  belluino  impetu  grassati  sunt,  donec  omnes  suos  vicinos  sibi  subiicerent.  Tandem  mari  traiecto,  nunc  provinciam  unam,  nunc  alteram  occuparunt.  D  bi  autem  et  regnum  Macedoniae,  et  regnum  Antiochi  venit  sub  illorum  potestatem,  fuit  hoc  simile  portento.  Tandem  quunr  dominati  sunt  in  toto  illo  circuitu  maris  mediterranei,  et  nullus  angulus  fuit  qui  non  reciperet  iugum,  hoc  nunquam  comprehensum  fuisset  humano  sensu.  Dicitur  igitur  bestia  haec  diversa  fuisse  ab  aliis,  et  terribilis  valde.  Eodem  sensu  vocantur  dentes  eius  ferrei,  et  ungues  aenei.  De  unguibus  nulla  facta  fuerat  mentio:  tantum  loquutus  fuerat  propheta  de  ferreis  dentibus:  nunc  etiam  adiungit  ungues  aeneos:  quasi  diceret,  immani  rabie  praeditam  fore  hanc  bestiam,  ut  grassetur  in  sua  violentia  non  usitato  modo,  sed  ut  omnia  discerpat,  laceret,  devoret:  quemadmodum  iterum  repetit  quod  dixerat,  comedens  et  conterens,  et  quod  residuum  est  calcans  pedibus  suis.  Quoniam  haec  omnia  semel  exposui,  nunc  nolo  frustra  tempus  consumere,  et  vos  etiam  obtundere  supervacuis  repetitionibus.  Interrogavi  etiam,  inquit,  de  cornibus  decem,  quae  erant  super  caput  eius.  Et  haec  etiam  causa  est  cur  brevius  haec  perstringam,  quoniam  sequetur  paulo  post  responsio  angeli.  Propheta  igitur  nunc  sciscitatur  haud  dubie  coelesti  impulsu,  quia  Deus  noluit  tantum  privatim  illum  docere,  sed  ut  testis  esset  ac  praeco  huius  tanti  mysterii:  atque  ut  hodie  discamus  ex  eius  scriptis  quae  apprime  nobis  utilia  sunt  cognitu.  Dicit  ergo  se  etiam  fuisse  sciscitatum  de  cornibus  decem  quae  erant  super  caput  bestiae,  et  de  alio  cornu  quod  surrexerat,  nempe  parvo:  et  quod  cecidissent  ex  facie  bestiae  tria  cornua.  Diximus  per  decem  cornua  notatas  fuisse  provincias;  deinde  notatum  fuisse  discrimen  inter  romanum  imperium  et  monarchias:  quia  nunquam  unus  dominatus  est  Romae,  nisi  quum  violenter  Sylla  exercuit  suum  latrocinium,  Marius  etiam,  sed  brevi  tempore.  Hic  autem  agitur  de  continuo  romani  imperii  statu.  Non  fuit  igitur  unum  animal  simpliciter,  sed  cui  erant  decem  cornua.  Est  autem  numerus  finitus  pro  infinito.  Quantum  ad  parvum  cornu  spectat,  dixi  etiam  referri  hoc  ad  Caesares,