4:69  69  LIVRE  IIL  CHAPITRE  HI.  70  presente  grace  et  salut?  Parquoy  ces  parolles  valent  autant  comme  s'ils  disoyent,  Puis  que  le  royaume  de  Dieu  est  approche,  a  ceste  cause  faites  penitence.  Mesme  sainct  Matthieu,  ayant  recite  ceste  predication  de  sainct  Iean,  dit  qu'en  cela  a  este  accomplie  la  prophetie  d'Isaie  touchant  la  voix  qui  crie  au  desert,  Preparez  la  voye  au  Seigneur,  dressez  luy  ses  sentiers  (Is.  40,  3).  Or  l'ordre  du  Prophete  est,  que  ceste  voix  doit  commencer  par  consolation  et  ioyeuse  nouvelle.  Neantmoins  quand  nous  disons  que  l'origine  de  repentance  vient  de  foy,  nous  ne  songeons  point  qu'il  faille  quelque  espace  de  temps  auquel  il  faille  qu'elle  soit  engendree:  mais  nous  voulons  signifier  que  l'homme  ne  se  peut  droitement  adonner  a  repentance,  sinon  qu'il  se  recognoisse  estre  a  Dieu.  Or  nul  ne  se  peut  resoudre  estre  a  Dieu,  sinon  qu'il  ait  premierement  recogneu  sa  grace.  Mais  ces  choses  seront  plus  clairement  deduites  en  la  procedure.  1)  Possible  2)  qu'ils  se  sont%  trompez  en  ce  que  plusieurs  sont  domtez  par  les  effrois  de  leur  conscience,  ou  induits  et  faconnez  a  se  renger  au  service  de  Dieu,  devant  qu'avoir  cogneu  sa  grace,  mesmes  devant  que  l'avoir  goustee.  Et  c'est  une  crainte  comme  on  la  voit3)  aux  petis  enfans,  qui  ne  sont  point  gouvernez  par  raison:  toutesfois  aucuns  la  tiennent  pour  vertu,  d'autant  qu'ils  la  voyent  approcher  de  la  vraye  obeissance,  a  laquelle  elle  prepare  les  hommes.4)  Mais  il  n'est  pas  icy  question  d'enquerir  en  combien  de  sortes  Iesus  Christ  nous  attire  a  soy,  ou  nous  dispose  a  une  droite  affection  de  piete:  seulement  ie  dy  qu'on  ne  peut  trouver  nulle  droiture  sinon  ou  l'Esprit  qu'il  a  receu  pour  le  communiqner  a  ses  membres,  a  son  regne.  Ie  dy  aussi  secondement,  suyvant  la  doctrine  du  Pseaume,  assavoir  que  Dieu  est  propice  afin  qu'on  le  craigne  (Ps.  130,  4):  que  iamais  homme  ne  luy  portera  telle  reverence  qu'il  doit,  qu'il  ne  se  fie  en  la  clemence  et  bonte  d'iceluy:  et  que  nul  ne  s.era  iamais  bien  delibere  a  garder  la  Loy,  s'il  n'est  persuade  que  celuy  auquel  il  sert  a  son  service  agreable.  Or  ceste  facilite5)  de  laquelle  Dieu  use  envers  nous,  est  un  signe  de  sa  faveur  paternelle.  Ce  qu'aussi  monstre  l'exhortation  d'Osee,  Venez,  retournons  a  l'Eternel:  car  s'il  a  destruit,  il  nous  guairira:  s'il  a  frappe,  il  nous  donnera  sante  (Osee  6,  1).  Nous'voyons  en  ces  mots,  que  l'esperance  d'obtenir  pardon  doit  servir  d'esperon  aux  pecheurs,  afin  qu'ils  ne  croupissent  1)  en  la  procedure,  le  latin  dit:  in  ipso  progressu.  2)  Possible  .  .  .  .  en  leurs  fautes,  addition  de  1559.  3)  comme  on  la  voit  .  .  .  .  raison,  le  texte  latin  dit  simplement:  Atque  hic  est  initialis  timor.  4)  a  laquelle  elle  prepare  les  hommes,  n'est  pas  dans  le  latin.  5)  Le  latin  ajoute:  in  tolerandis  vitiis.