39:69  69  IN  IEREMIAM.  CAP.  XXXIII.  70  filio  suo  iustitiam  nostra  causa,  non  mirum  est,  si  ad  nos  transfertur  quod  penes  ipsum  residet.  Quod  ergo  vidimus  capite  23  fuit  proprie  dictum.  Nam  hoc  est  singulare  Christo,  ut  sit  Deus  iustitia  nostra.  Sed  quia  hanc  iustitiam  percipimus  quum  admittit  nos  in  societatem  omnium  bonorum,  quibus  ornatus  et  ditatus  fuit  a  patre,  hinc  fit,  ut  hoc  etiam  ad  totam  ecclesiam  pertineat,  nempe  quod  Deus  est  iustitia  ipsius.  Ergo  hoc  etiam  scite  dicitur  a  propheta,  nomen  hoc  fore  totius  ecclesiae,  quod  non  nonnisi  Christo  indiderat,  nempe  ut  Deus  illic  regnet  in  iustitia,  quia  diffunditur  ad  singulos  fideles  Christi  iustitia:  et  Christus  etiam  in  ipsis  habitat,  ut  sint  non  modo  templa,  sed  quasi  pars  Cbristi,  imo  etiam  vocatur  ecclesia  a  Paulo  Christus:  quemadmodum  inquit,  Sunt  multa  membra  in  corpore  humano,  ita  est  Christus  (1.  Cor.  12,  12):  hoc  non  convenit  Christo,  quoad  eius  personam,  sed  metonymice  nominat  ecclesiam  propter  illam  quam  dixi  communicationem.  17.  Quia  sic  dicit  Iehovah,  Non  excidetur  Davidi  vir  qui  sedeat  super  solium  domus  Israel.  18.  Et  sacerdotibus  Levitis  non  excidetur  vir  coram  facie  mea,  qui  accendat  holocaustum,  adoleat  oblationem,  et  faciat  sacrificium  cunctis  diebus.  Loquutus  est  propheta  de  restitutione  ecclesiae:  eam  doctrinam  nunc  confirmat,  quia  promittit  regnum  una  cum  sacerdotio  perpetuum  fore.  Continebatur  autem  salus  populi,  quemadmodum  satis  notum  est,  duabus  istis  partibus.  Nam  sine  rege  erant  veluti  corpus  truncum  aut  mutilum:  sine  sacerdote  mera  erat  dissipatio.  Nam  sacerdos  erat  quasi  medius  inter  Deum  et  populum.  Rex  autem  repraesentabat  Dei  personam.  Iam  ergo  tenemus  consilium  prophetae,  cur  nunc  specialiter  de  regno  et  sacerdotio  disserat:  quoniam  scilicet  non  poterat  aliter  stare  populus.  Itaque  confirmat  totius  populi  statum  fore  incolumem,  quia  semper  erunt  ex  posteris  Davidis,  qui  succedant  ad  gubernandam,  et  semper  etiam  manebunt  ex  posteris  Levi,  qui  saerificia  offerant.  Est  autem  hic  locus  diligenter  notandus,  quia  hinc  colligimus,  etiamsi  reliqua  omnia  nobis  ex  animi  voto  suppetant,  nos  tamen  semper  esse  miseros,  nisi  Christus  sit  caput  nostrum,  et  fungatur  tam  regis  quam  sacerdotis  officio.  Haec  igitur  unica  est  ecclesiae  felicitas,  subesse  Christo,  ita  ut  munus  utrumque  quod  hic  describitur  exerceat.  Unde  etiam  colligimus  has  esse  notas  verae  ecclesiae,  quibus  discernitur  ab  omnibus  conventiculis,  quae  falso  obtendunt  Dei  nomen  et  sese  pro  ecclesiis  venditant.  Ubi  enim  conspicitur  regnum  et  sacerdotium  Christi,  illic  certum  est  esse  ecclesiam  :  ubi  autem  Christus  non  agnoscitur  rex  et  sacerdos,  nihil  est  aliud  quam  chaos.  Quemad-