35:69  69  IOB  CHAP.  XXXIII.  70  par  sa  pure  bonte,  au  nom  de  nostre  Seigneur  Iesus  Christ.  Voila  quant  a  ce  second  poinct  de.ux  choses  ou  il  nous  faut  estre  confermez,  c'est,  Qu'il  nous  faut  avoir  nostre  refuge  a  luy:  et  puis,  Que  quand  tous  les  iours  on  nous  propose  sa  misericorde,  nous  ne  doutions  point  que  nous  serons  receus  par  luy.  Ainsi  donc  ce  passage-la  de  David  ne  parle  point  de  ce  qui  nous  est  incognu  et  cache,  mais  de  ce  que  Dieu  nous  veut  declarer  et  apprendre.  Il  dit  donc,  Dieu  a  parle  une  fois:  c'est  a  dire,  Dieu  en  parlant  nous  a  tellement  manifeste  sa  volonte,  qu'il  ne  faut  plus  qu'on  doute,  qu'on  replique  a  rencontre  de  ce  qu'il  a  dit.  Ie  l'ay  ouy  deux  fois,  dit-il.  En  cela  il  signifie,  que  ce  n'est  point  assez  d'avoir  escoute  Dieu  en  passant,  mais  qu'il  nous  faut  mediter  sans  cesse  ce  qu'il  aura  dit:  et  combien  qu'il  ne  parlast  qu'un  coup,  si  ne  faut-il  point  que  nous  laissions  couler  sa  doctrine,  mais  qu'elle  nous  vienne  en  memoire:  et  que  nous  apprenions  de  l'imprimer  en  nos  coeurs:  et  pource  que  nous  avons  courte  memoire,  que  nous  y  pensions  et  de  soir  et  de  matin.  Ainsi  donc  nous  voyons  maintenant  quel  est  l'office  des  fideles,  c'est  assavoir  de  s'employer  du  tout  a  bien  escouter  ce  que  Dieu  leur  monstre  par  sa  parole,  et  que  la  ils  appliquent  toute  leur  estude,  estans  certains  que  Dieu  leur  donnera  a  cognoistre  ce  qu'il  leur  dit,  et  promet  pour  leur  salut.  Voila  pour  un  Item.  Mais  cependant  gardons  nous  de  nous  enquerir  d'avantage,  n'appetons  point  d'estre  plus  sages  que  Dieu  ne  veut.  Et  comment  cela?  C'est  que  nous  apprenions  en  son  escole:  et  s'il  se  reserve  des  iugemens  secrets  a  soy,  que  nous  ignorions  ce  qu'il  nous  veut  estre  incognu,  iusques  a  ce  qu'il  nous  ait  retirez  de  ce  monde.  Exemple.  Il  nous  sera  dit  que  Dieu  gouverne  tout  par  sa  providence:  et  c'est  a  ce  propos  qu'Eliu  parle.  Voila  donc  Dieu  qui  dispose  de  toutes  ses  creatures  ii  tient  tout  en  sa  main,  et  rien  n'adviendra  en  ce  monde  de  cas  d'aventure,  mais  c'est  selon  sa  volonte.  Voila  une  doctrine  qui  nous  est  donnee  en  l'Escriture  saincte,  et  il  nous  la  faut  recevoir  sans  contredit.  Or  si  nous  enquerons  maintenant,  Et  comment?  Et  pourquoy?  et  que  nous  vueillions  qu'a  chacun  coup  que  Dieu  besognera,  il  nous  rende  raison  de  ce  qu'il  fait,  et  que  nous  entrions  en  dispute  pour  nous  rebecquer  contre  luy:  nous  passons  nos  limites.  Comme  nous  voyons  ces  crapaux  qui  sont  pleins  de  venin,  qui  viendront  desgorger  leurs  blasphemes  contre  la  providence  de  Dieu:  Et  si  Dieu  dispose  de  tout,  et  il  est  donc  auteur  de  peche,  le  mal  donc  luy  doit  estre  impute.  Voila  une  chose  detestable:  car  il  nous  falloit  tenir  en  ceste  mesure  que  l'Escriture  saincte  nous  donne  :  et  d'autant  que  nous  n'appercevons  point  la  raison  pourquoy  Dieu  fait  toutes