31:69  69  PSALMUS  V.  70  accepta  gratias  in  templo  tuo  agam.  Si  prior  expositio  magis  placeat,  simpliciter  suam  erga  Deum  pietatem  commendans  propheta,  se  ab  eorum  ordine  disiungit,  de  quibus  loquutus  est.  Sed  videtur  circumstantia  loci  poscere  ut  Deo  gratiarum  actionem  promittat:  nam  quia  hostes  suos  nuper  Deo  exosos  esse  dixerat,  nunc  concepta  salutis  fiducia,  se  ad  gratitudinem  invitat.  Veniam,  inquit,  ad  templum  in  multitudine  misericordiae  tuae:  ac  si  diceret,  quamvis  nunc  fere  perditus  videri  queat,  se  tamen  Dei  gratia  salvum  fore  et  incolumem.  Docet  itaque  hic  locus,  quum  nos  urgent  extremae  tentationes,  statuendam  esse  Dei  gratiam  ante  oculos,  ut  inter  summa  quaeque  discrimina  bene  speremus.  Ad  haec  quia  caro  gratiam  Dei  vel  maligne  extenuat  vel  aestimat  vulgari  modo,  discamus  ingentem  eius  magnitudinem  efferre,  quae  sufficiat  vincendis  terroribus.  Quanquam  autem  consilium  Davidis  fuit,  sibi  certam  salutem  polliceri  ex  Dei  misericordia:  simul  tamen  ostendit,  ubi  fuerit  servatus,  gratum  se  et  memorem  fore.  Iam  quia  hypocritae  gratias  agendo  nihil  aliud  quam  nomen  Dei  profanant,  ut  sunt  impuri  et  polluti:  ideo  se  asserit  venturum  cum  Dei  timore,  ut  sincero  et  integro  corde  eum  adoret.  Caeterum  hinc  colligere  licet  generalem  doctrinam,  donec  suae  bonitatis  gustum  Deus  nobis  praebuerit,  accessum  nobis  ad  eum  non  patere  nec  quemquam  rite  orare,  nisi  qui  gratiam  eius  expertus,  sibi  propitium  fore  statuit  ac  persuasus  est.  Adiungitur  tamen  Dei  timor,  qui  rectam  piamque  fiduciam  a  carnis  securitate  discernat.  9.  Iehova  deduc  me  in  iustitia  tua  propter  adversarios  meos:  dirige  coram  facie  mea  viam  tuam.  10.  Quia  non  est  in  ore  eorum  rectitudo:  intimum  eorum  pravitates,  sepulcrum  patens  guttur  eorum,  linguis  suis  dolose  agunt.  l  l  .  Fac  eos  errare  Deus,  cadant  a  consiliis  suis,  in  multitudine  scelerum  suorum  disperde  eos  quia  rebelles  fuerunt  tibi.  9.  (Iehova  deduc  me.)  Quidam  ita  exponunt:  Ostende  mihi  quid  rectum  sit,  et  fac  ut  totus  iustitiae  tuae  addictus  sim,  idque  propter  adversarios,  quia  periculum  est  ne  sancti  malis  et  fraudulentis  impiorum  artibus  impulsi,  a  recta  via  declinent.  Pia  quidem  et  utilis  sententia  est:  sed  altera  expositio  aptior,  ut  Deus  servum  suum  per  medias  hostium  insidias  salvum  deducat:  et  quum  videbitur  undique  captus  et  constrictus,  exitum  ei  patefaciat.  Dei  ergo  iustitia  hoc  loco  (sicuti  plurimis  aliis)  pro  fide  et  clementia  eius  capitur,  quam  in  tutandis  fidelibus  ostendit.  Ideoque  praepositio  In  tantundem  valet  ac  Pro,  vel  secundum.  David  enim  Deum  sibi  itineris  ducem  esse  optans,  ex  eius  iustitia  spem  impetrandi  sibi  facit  acsi  dixisset,  Domine,  quia  iustus  es,  auxilio  tuo  me  protegas,  ut  pravas