28:69  69  SUR  LE  DEUTER.  CHAP.  XXIII.  70  gard  a  espargner  ses  successeurs,  et  ceux  qui  estoyent  descendus  de  sa  race,  voire  combien  que  c'eust  este  d'inceste  :  pource  qu'il  avoit  eu  ces  peuples  ici  de  ses  deux  filles.  Les  deux  peres,  et  les  deux  troncs  estoyent  Ammon  et  Moab,  c'est  a  dire,  procreez  d'une  inceste,  et  d'une  paillardise  villaine  et  contre  nature.  Tant  y  a  neantmoins  qu'encores  Dieu  les  supporte.  Or  ils  sont  si  ingrats  et  si  malins,  qu'ils  despittent  et  Dieu  et  les  hommes.  Dieu  a  le  soin  d'eux,  et  les  recommande  aux  Iuifs  quant  et  quant.  Voila  les  Iuifs  qui  usent  d'humanite,  ils  les  prient,  en  protestant  qu'ils  ne  les  veulent  point  molester,  qu'ils  viendront  en  leur  pais  comme  amis,  qu'ils  ne  les  molesteront  en  rien.  Ils  leur  demandent  en  bien  payant  que  le  passage  leur  soit  ottroye,  pour  venir  la  ou  Dieu  les  appelle:  et  ces  malheureux  veulent  empescher  la  vocation  de  Dieu,  pour  faire  que  le  peuple  n'entre  point  en  la  terre  promise,  que  le  peuple  n'en  prenne  point  la  possession.  Et  sur  cela  ils  prennent  a  loage  Balaam  fils  de  Beor,  ce  faux-prophete.  Et  pourquoy?  Pource  qu'ils  se  desfient  de  leurs  forces,  et  leur  semble  qu'ils  pourront  coniurer  Dieu  par  le  moyen  d'un  fauxprophete,  et  qu'ils  pourront  user  comme  d'une  espece  de  sorcelerie,  afin  que  ce  peuple-la  soit  maudit:  d'autant  qu'ils  sont  si  pervers,  et  qu'ils  ne  daignent  point  user  du  bien  que  Dieu  leur  offroit,  c'est  raison  qu'ils  en  Boyent  punis.  Car  combien  que  la  vengeance  n'eust  pas  este  executee  si  tost,  si  estce  que  Dieu  enregistre  cela:  et  nous  voyons  ici  comme  la  punition  en  a  este  reservee.  Or  la  dessus  nous  avons  a  noter,  que  si  nous  desirons  d'estre  acceptez  de  Dieu  au  nombre  et  en  la  compagnie  des  fidelles,  que  nous  devons  procurer  le  bien  de  toute  l'Eglise  entant  qu'en  nous  sera.  Car  ceux  qui  font  trouble  en  l'Eglise  de  Dieu,  ou  quelque  scandale,  sont  ici  bannis  sous  la  personnne  des  Moabites  et  Ammonites:  comme  si  Dieu  declairoit  qu'ils  ne  sont  pas  dignes  d'approcher  de  luy,  ni  de  tous  ceux  qui  luy  sont  dediez.  Or  auiourd'huy  combien  en  voit-on  de  ceux-la?  Et  ainsi,  il  ne  se  faut  point  esbahir  si  la  malediction  de  Dieu  est  sur  tant  de  gens.  Et  pourquoy?  Pour  un  qu'on  trouvera  qui  tasche  d'avancer  le  bien  de  l'Eglise,  et  d'edifier  le  peuple  de  Dieu,  on  en  trouvera  une  douzaine  qui  ne  cerchent  que  mettre  confusion  par  tout  et  ruine.  Combien  voiton  auiourd'huy  de  troubles  au  monde,  pour  empescher  le  cours  de  l'Evangile,  et  pour  faire  que  l'Eglise  trebusche  bas,  ou  qu'elle  soit  confuse?  Or  d'ou  procede  cela,  sinon  de  la  malice  des  hommes  ?  Tout  ainsi  donc  que  Dieu  a  ferme  la  porte  aux  Ammonites  et  Moabites,  d'autant  qu'ils  avoyent  refuse  chemin  a  son  peuple  quand  il  devoit  entrer  en  la  terre  promise:  notons  que  tous  ceux  qui  font  auiourd'huy  scandales  pour  divertir  et  desbaucher  ceux  qui  estoyent  en  bon  train,  qui  met-