23:69  69  COMMENTARIUS  IN  GENESIN.  70  habeat  caecae  ultioni.  Hoc  modo  tradentur  reprobi  in  ignem  aeternum  cum  suis  corporibus,  quae  licet  nullum  per  se  motum  habeant,  organa  tamen  sunt  malis  perpetrandis.  Sic  hominis  manibus  adscribitur  quidquid  scelerum  committit  ille,  ac  ideo  pollutae  censentur:  quum  tamen  se  ipsas  non  moveant,  nisi  quatenus  pravo  cordis  affectu  impulsae,  exsequuntur  quod  illic  conceptum  est.  Secundum  hanc  rationem  dicitur  fecisse  serpens  quod  diabolus  per  ipsum  fecit.  Verum  si  tam  severe  in  brutum  animal  ulciscitur  Deus  hominis  exitium,  multo  minus  Satanae  pepercit,  totius  mali  autori  :  quod  ex  clausula  melius  patebit.  Maledictus  es  prae  omni  animali.  Viget  ista  Dei  maledictio  in  serpente:  qua  fit  ut  despicabilis  sit,  et  vix  tolerabilis  coelo  et  terrae,  vitamque  obnoxiam  et  assiduis  terroribus  plenam  agat:  deinde  ut  non  tantum  exosus  sit  nobis,  tanquam  capitalis  inimicus  generis  humani,  sed  ab  aliis  quoque  animalibus  segregatus,  bellum  gerat  quodammodo  cum  natura.  Prius  enim  cicurem  fuisse  vidimus,  ut  mulier  familiarem  accessum  non  refugeret.  Sed  quae  sequuntur  plus  habent  difficultatis:  quia  videtur  naturale  esse  quod  Deus  in  poenam  denunciat,  ut  reptare  super  ventrem,  et  pulverem  comedere.  Movit  quosdam  doctos  homines  et  acutos  haec  obiectio,  ut  dixerint  serpentem  recto  corpore  ingredi  solitum,  priusquam  eo  abusus  esset  Satan.  Caeterum  nihil  erit  absurdi,  si  fateamur  pristinae  conditioni  iterum  addici  serpentem,  cui  naturaliter  iam  subiectus  erat.  Sic  enim  cogendus  erat  in  ordinem,  qui  se  adversus  Dei  imaginem  extulerat:  ac  si  dictum  esset:  Tu  ausus  es  miserum  et  putidum  animal  in  hominem  insurgere,  quem  praefeceram  totius  mundi  dominio  :  quasi  vero  tuum  esset,  quum  terrae  esses  affixus,  in  coelum  penetrare.  Ergo  unde  emergere  tentasti,  iam  te  retraho,  ut  sorte  tua  contentus  esse  discas,  nec  amplius  insolescas  in  hominis  contumeliam.  Interea  sic  revocatur  a  sua  lascivia  ad  solitum  ingressum,  ut  perpetuae  ignominiae  simul  damnetur.  Comedere  pulverem,  signum  est  naturae  vilis  et  sordidae.  Simplex  (meo  iudicio)  ille  est  sensus,  quem  etiam  confirmat  Isaiae  testimonium  (cap.  65,  25).  Nam  dum  plenam  naturae  integrae  ac  bene  constitutae  instaurationem  promittit  sub  Christi  regno,  inter  alia  commemorat,  pulverem  serpenti  pro  pane  futurum  esse.  Quare  non  est  quod  in  singulis,  quae  hic  refert  Moses,  nova  aliqua  mutatio  quaeratur  15.  Inimicitias  ponam.  Simpliciter  interpretor,  hostile  semper  fore  dissidium  humano  generi  cum  serpentibus,  quale  hodie  cernitur.  Fit  enim  arcano  naturae  sensu,  ut  ab  ipsis  abhorreat  homo.  Quod  quibusdam  sunt  in  deliciis,  inter  prodigia  reputandum  est:  ac  quoties  nobis  horrorem  incutit  serpentum  aspectus,  renovatur  defectionis  nostrae  memoria.  Uno  etiam  tenore  contexo  quod  mox  sequitur:  Ipsum  vulnerabit  caput  tuum^  et  tu  vulnerabis  eius