22:69  69  INSTRUCTION  ET  CONFESSION  DE  FOY.  70  sa  mort.  Car  le  Seigneur  a  commande  les  siens  estre  baptisez  en  la  remission  des  pechez  (Math.  28,  Act.  2).  Et  8.  Paul  (Ephe.  5)  enseigne  lEglise  estre  par  Christ  son  espoux  sanctifiee  et  nectoiee  par  le  lavement  deaue  en  la  parolle  de  vie.  Derechief  (Rom.  6)  il  expose  comment  nous  sommes  baptisez  en  la  mort  de  Christ,  cest  que  nous  sommes  ensevelis  en  sa  mort  affin  que  nous  cheminions  en  nouveaute  de  vie.  Par  lesquelles  choses  nest  pas  signifie  par  leaue  soit  cause,  ne  mesmes  instrument  il1)  de  purgation  et  regeneration,  mais  seulement  que  la  cognoissance  de  telz  dons  est  receue  en  ce  sacrement,  actendu  que  nous  sommes  dictz  recevoir,  obtenir,  impetrer  ce  que  nous  croions  nous  estre  donne  du  Seigneur,  soit  que  lors  premierement  nous  le  cognoissions,  ou  soit  que  lavant  auparavant  cogneu  nous  en  soions  plus  certainement  persuadez.  Il  sert  pareillement  a  nostre  confession  envers  les  hommes,  car  il  est  une  marque  par  laquelle  publiquement  nous  faisons  profession  que  nous  voulions  estre  anombres  au  peuple  de  Dieu,  affin  que  nous  servions  et  honorions  dune  mesme  religion  un  Dieu  avec  tous  les  fideles.  Comme  ainsi  soit  doncques  que  principalement  par  le  baptesme  lalliance  du  Seigneur  soit  confermee  avec  nous,  a  bon  droict  nous  baptisons  noz  enfans,  estans  participans  de  lalliance  eternelle,  par  laquelle  le  Seigneur  promect  quil  sera  Dieu,  non  pas  seulement  de  nous  mais  de  nostre  semence  (Genese  17).  De  la  cene  du  Seigneur.  La  promesse  qui  est  adioustee  au  mystere  de  la  cene  declare  evidemment  a  quelle  fin  il  a  este  institue  et  a  quoy  il  tend,  cest  a  dire  quil  nous  confirme  que  le  corps  du  Seigneur  a  une  fois  tellement  este  donne  pour  nous,  quil  est  maintenant  nostre  et  le  sera  aussy  perpetuellement,  que  son  sang  a  une  fois  tellement  este  espandu  pour  nous  quil  sera  tousiours  nostre.  Les  signes  sont  le  pain  et  le  vin,  soubz  lesquelz  le  Seigneur  nous  presente  la  vraye  communication  de  son  corps  et  de  son  sang,  mais  spirituelle:  laquelle  contente  du  lien  de  son  esperit  ne  requiert  point  une  presence  enclose112)  ou  de  la  chair  soubz  le  pain  ou  du  sang  soubz  le  vin.11S)  Car  combien  que  Christ  esleve  au  ciel  a  laisse  lhabitation  de  la  terre  en  laquelle  nous  sommes  encores  pellerins,  toutesfois  nulle  distance  ne  peult  dissouldre  sa  vertu  quil  ne  repaisse  de  soy  mesmes  les  siens.114)  De  laquelle  111)  efficaciam.  112)  add.  et  circumscriptam.  113)  sub  calice.  114)  add.  ac  efficiat  ut  loco  absentes  tamen  praesentissima  sui  communicatione  fruantur.