21:69  69  PAR  NICOLAS  COLLADON.  70  Timothee.  Il  composa  aussi  son  livre  contre  l'Interim,  ou  il  monstre  le  vray  moyen  d'une  bonne  paix  Chrestienne  et  de  reformer  l'Eglise,  estre  de  demeurer  en  la  parole  de  Dieu,  qui  est  la  doctrine  des  Prophetes  et  Apostres,  et  non  pas  de  forger  une  religion  de  diverses  pieces  a  la  fantasie  des  hommes.  Davantage  il  escrivit  contre  l'Astrologie  ludiciaire,  pour  monstrer  que  telle  curiosite  n'est  nullement  convenable  aux  Chrestiens;  comme  la  il  deduit  la  chose  bien  pertinemment,  combien  que  ce  soit  sans  prolixite  ennuyeuse.  Or  i'ay  compris  iusques  ici  les  livres  composez  par  luy  depuis  son  retour  iusques  au  commencement  de  l'an  1549.  lesquels  qui  considereroit  ne  se  pourroit  tenir  d'entrer  en  admiration,  comment  ayant  les  empeschemens  ordinaires  du  ministere,  il  pouvoit  trouver  le  loisir  de  dicter  tout  cela,  ou  mettre  la  main  a  la  plume  pour  l'escrire.  Mais  encore  y  a  il  plus  grand'matiere  de  s'esmerveiller,  veu  que  cependant  il  n'estoit  pas  sans  plusieurs  autres  grands  destourbier.  Ie  laisse  ses  maladies  quasi  ordinaires,  et  aussi  qu'il  a  veu  sa  femme  souvent  malade  quelques  annees  avant  qu'elle  mourust  (comme  outre  son  enfantement  bien  dangereux  a  elle)  depuis  aussi,  et  l'an  1545,  elle  fut  griefvement  malade,  et  traina  plusieurs  mois  avant  que  revenir  a  quelque  convalescence:  environ  lequel  temps  aussi  la  femme  de  Viret  tomba  en  une  longue  maladie  dont  finalement  elle  mourut.  Ie  laisse  aussi  que  l'an  1546,  il  fut  long  temps  persecute  des  hemorroides,  iusques  [c  7]  a  avoir  un  bien  mauvais  ulcere  en  ceste  partie-la,  et  lequel  depuis  luy  est  revenu  par  fois.  Ie  laisse  semblablement,  que  quand  ses  deux  fideles  compagnons  Farel  et  Viret  ont  eu  de  ce  temps-la  des  affaires  fascheuses  en  leur  ministere,  il  a  tousjours  tasche  de  porter  une  partie  du  fardeau,  comme  aussi  eux  ont  faict  le  pareil  devoir  de  fraternite  envers  luy.  Mais  mesmes  en  ces  annees-la,  il  a  eu  souvent  affaire  pour  empescher  que  la  discipline  ne  fust  enfreinte  par  des  particuliers;  et  a  souvent  veu  les  choses  prestes  a  aller  en  grand  desarroy  *)  par  la  malignite,  ou  pour  le  moins  dissimulation  de  ceux  qui  j  devoyent  remedier  :  ce  qui  le  naVroit  merveilleusement.  Mesmes  les  choses  en  vindrent  iusquesla,  que  le  16  de  Decembre  1547,  un  tumulte  tendant  a  sedition  civile  s'estant  esmeu  en  Conseil  des  deux  cens,  il  y  entra  a  despourveu  se  iettant  tout  au  travers  des  coups,  et  par  sa  presence  appaisa  les  troubles.  Or  tout  cela  estoit  pour  le  rendre  inutile  a  ses  estudes,  n'eust  este  qu'il  reprenoit  tousiours  courage  au  Seigneur,  et  esperoit  contre  esperance  de  voir  quelque  fruict  plus  paisible  et  plus  grand  de  ses  labeurs  mesme  en  ceste  Eglise.  Ce  qu'aussi  1)  desordre  F.