13:69  69  1548  OCTOB.  70  mis  la  protection  tant  de  sa  personne  comme  de  sa  maieste.  Mais  le  principal  moyen  est  de  faire  tant  quil  sera  possible  que  ceulx  qui  prennent  goust  a  la  doctrine  de  lEvangile  pour  y  adherer,  la  recoivent  avec  telle  humilite  et  craincte  quilz  renoncent  a  eulx  mesmes  pour  servir  a  Dieu.  Oar  ilz  doibvent  penser  que  Dieu  les  veult  tous  resveiller  a  ce  quilz  proffitent  mieulx  a  bon  escient  a  sa  parolle,  quilz  nont  pas  faict.  Ces  forcenez  qui  vouldroyent  que  le  monde  se  revirast  en  une  licence  confuse,  sont  subornez  par  Sathan  pour  diffamer  lEvangile,  comme  sil  nengendroit  que  revolte  contre  les  princes,  et  toute  dissipation  en  la  vie  humaine.  Parquoy  tous  fidelles  en  doibvent  souspirer.  Les  Papistes  voulans  soubstenir  les  ordures  et  abominations  de  leur  idole  Romain,  se  monstrent  ennemys  manifestes  de  la  grace  de  Jesus  Christ  et  de  toutes  ses  ordonnances.  Cela  aussi  doibt  faire  grand  mal  au  coeur  a  tous  ceulx  qui  ont  quelque  goust  de  bon  zelle.  Parquoy  ilz  doibvent  penser  tous*  ensemble  que  ce  sont  verges  de  Dieu  sadressant  a  eulx.  Et  pourquoy,  sinon  dautant  quilz  ne  font  point  valoir  la  doctrine  de  salut,  comme  il  appartient?  Ainsi  le  principal  remede  pour  amortir  telles  seditions,  est  que  ceulx  qui  font  profession  de  lEvangile,  soient  vrayement  reparez  a  limage  de  Dieu,  pour  monstrer  que  nostre  Chrestiente  ne  cause  nulle  dissipation  en  la  vie  humaine,  de  donner  bonne  approbation  par  leur  modestie  et  attrempance  questans  gouvernez  par  la  parolle  de  Dieu,  nous  ne  sommes  point  gens  desbordez,  ne  sans  bride:  par  leur  bonne  et  saincte  vie,  clorre  la  bouche  a  tous  mesdisans.  Car,  par  ce  moyen,  Dieu  estant  appaise,  retirera  sa  main,  et  au  lieu  que  auiourdhuy  ii  punit  le  mespris  quilz  ont  faict  a  sa  parolle,  il  benira  leur  obeissance  en  toute  prosperite.  Mesme  que  toute  la  noblesse  et  gens  de  iustice  se  rengent  droictement  et  en  toute  humilite  a  la  subiection  de  ce  grand  Roy  Jesus  Christ,  luy  faisant  entier  homaige  et  sans  feintise  dame,  de  corps  et  de  tout,  afin  quil  corrige  et  abbatte  larrogance  et  temerite  de  ceulx  qui  se  vouldroient  eslever  contre  eulx.  Voyla  comment  les  Princes  terriens  doibvent  regner  servant  a  Jesus  Christ  et  faisant  quil  ayt  son  authorite  souveraine  sur  tous,  tant  petitz  que  grandz.  Parquoy,  Monseigneur,  entant  que  vous  avez  lestat  du  Roy  vostre  nepveu  cher  et  en  recommandation,  comme  vous  le  monstrez  bien,  ie  vous  supplye  au  nom  de  Dieu  dappliquer  icy  vostre  principal  soing  et  vigilance,  que  la  doctrine  de  Dieu  soit  preschee  en  efficace  et  vertu  pour  produyre  son  fruict,  et  ne  vous  lasser  point  quoy  quil  en  soit,  a  poursuyvre  une  plaine  et  entiere  reformation  de  leglise.  Pour  vous  mieulx  oxprimer  mon  intention,  ie  distingueray  le  tout  en  trois  poinctz.  Le  premier  sera  de  la  facon  de  bien  en-