11:69  1540  AUGUST.  Pistorio  et  Schnepfio  nostram  urbem  invisit.  Concionem  fecit  heri  in  summo  templo  Schnepfius,  vir  valde  facundus.  Solventur  brevi  comitia,  nisi  me  fallant  omnes  coniecturae.  Rex  tandem  responsum  dedit  nostris.  Colloquium  toties  petitum  haberi  iam  non  posse  propter  nostrorum  principum  absentiam  et  causas  alias.  Curaturum  tamen  se,  una  cum  fratre  Caesare,  ut  locus  et  tempus  colloquio  deputetur,  ea  tamen  lege  ut  interea  nostri  eos  restituant  qui  de  spolio  queruntur,  idque  iuxta  camerae  imperialis  iudicium.  Ita  ludificantur  nostros.  Bellum  non  valde  metuimus.  Principes  enim  Rhenani  inprimis  pacis  consilia  sequuntur,  a  bello  abhorrentes.  Palatinum  vere  esse  UQTJVOTIOIOV  aiunt.  Coloniensis  vir  bonus  est.3)  Cum  Hedione  solus  nuper  colloquutus  est,  circiter  duas  horas,  nudius  tertius  etiam  cum  Capitone  et  Bucero.  Treverensis  an  reversurus  sit,  ignoro.  Unum  est  quod  me  valde  excruciat.  Id  eo  vobis  communicare  volui  ut  tanto  diligentius  Deum  oretis  qui  respiciat  suam  ecclesiam.  Ditiones  Ferdinandi,  quae  vicinae  sunt  Turcis  imprudente  etiam  rege  suo  apud  Turcorum  imperatorem  ambire  pacem  dicuntur.  Eam  vero  ut  impetrent,  tributum  offerunt  tyranno.  Iam  ubi  factae  fuerint  tributariae  coguntur  Turco  viam  aperire  per  regiones  suas,  Silesiam  maxime.  Quae  si  patuerit  illi,  nemine  impediente  in  Austriam  et  ad  nos  usque  venire  poterit.  Ita  paramus  viam  Turco  quo  quam  citissime  pereamus.  Quae  scribo,  communia  esse  et  Grynaeo  et  Myconio  volo."  Haec  ad  me  Bedrotus  ex  Argentina  scribebat  19.  Iulii.  Paulo  vero  post,  26.  Iulii,  ita  ad  me  scripsit  idem:  .Brevi,  ut  audio,  solventur  comitia,  comitia  inquam,  quae  acta  sunt  de  nostro  capite,  ut  comicum  illud  usurpem.  Nihil  enim  aliud  adversam  in  animo  habuerunt  quam  ut  spe  colloquii  nobis  facta  ipsi  interea  suum  foedus  augerent,  ac  de  nobis  perdendis  agitarent  consilia.  Verum,  Deo  gratia,  non  successit  istis.  Treverensis  archiepiscopus  non  tantum  abiit  Hagenoa,  sed  et  obiit  in  arce  Hohentann.  Osiander  et  Linckius*)  apud  nos  agunt,  non  redituri  Hagenoam  etc."  Haec,  mi  Vadiane,  non  piguit  longius  ad  te  scribere.  Tu  pro  suavitate  tua  prolixitati  huic  meae  ac  importunitati,  quaeso,  ignosce  .  .  .  .  Vale.  Basileae,  3.  Augusti  1540.  Io.  Oporinus  tuus  ex  animo.  3)  Herm.  a  Wied  qui  ipse  Bucero  in  consilium  adhibito  reformationem  ecclesiae  in  sua  ditione  tentavit.  4)  And.  Osiander  tum  temporis  V.  D.  M.  apud  Norimbergenses  cuius  vitam  scripserunt  WilJcen  1840  et  Matter  1870.  .  Eius  collega  fuit  Wenceslaus  LincJc.