10.1:69  ORDONNANCES.  L'ORDRE  QUANT  AUX  REGENS  DU  COLLEGE.  Que  les  Ministres  de  la  parolle  de  Dieu  et  les  Professeurs  ayent  a  eslire  en  bonne  conscience  gens  suffisans  pour  enseigner  en  chascune  classe.  Que  cenlx  qui  seront  csleuz  soyent  presentez  a  Messieurs  les  Syndiques  et  Conseil,  pour  estre  acceptez  et  confermez  selon  leur  bon  plaisir.  Que  les  Regens  se  trouvent  de  bonne  heure  chascun  en  son  auditoire,  et  qu'ilz  ne  s'exemptent  point  a  la  volee  des  lecons  qui  leur  sont  ordonnees.  Que  sils  ont  excuse  raisonnable,  qu'ils  advertissent  le  Principal,  a  fin  qu'il  soit  prouveu  aux  escholiers,  et  qu'il  n'y  ayt  point  d'interruption.  Or  lo  moyen  d'y  prouvoir,  sera  d'y  commettre  un  substitut,  ou  de  mettre  les  enfans  en  la  classe  la  plus  prochaine.  Qu'en  lisant  ils  gardent  une  gravite  moderee  en  [page  3]  toute  leur  contenance:  qu'ils  ne  facent  point  d'invectives  contre  les  autheurs  lesquels  ils  exposeront:  mais  qu'ils  mettent  peine  a  expliquer  fidelement  leur  sens.  S'il  y  a  quelque  chose  couchee  trop  obscurement,  ou  qui  ne  soit  point  mise  en  son  lieu,  ou  qui  ne  soit  point  traictee  si  diligemment  qu'il  seroit  requis,  qu'ils  en  advertissent  modestement  leurs  escholiers.  Qu'ils  tiennent  les  enfans  en  silence  et  sans  faire  bruit.  Qu'ils  reprennent  les  rebelles  ou  nonchalans,  ies  chastient  selon  leurs  demerites.  Sur  tout  qu'il  les  enseignent  d'aimer  Dieu,  et  hair  les  vices.  Qu'ils  ne  sortent  point,  tant  qu'il  se  pourra  faire,  de  l'auditoire,  qu'apres  avoir  acheve  la  lecon.  Quand  la  cloche  sonnera