8:689  689  EPISTOLAE  AD  CALVINUM.  690  accepta  semper  habetur  haec  ipsius  fides,  et  ei  gratis  accedit  spiritus  vivificans,  ipseque  Christus  totus.  Actus  ille  fidei  seorsim  consideratus,  non  ex  natura  sua  iustificat,  nec  ex  se  solo  est  ita  operosus,  sed  ex  gratia  et  spiritu  Christi.  Ipse  Christus,  qui  credere  dat,  ex  sua  gratia  illa  actum  1)  acceptum  habet,  spiritu  suo2)  sancto  illum  mirifice  exornat,  ac  coelestia  plurima  gratis  donat,  quae  per  alium  actum  donare3)  potuisset.  Non  proprie  ergo  dicitur  caritas  esse  fructus  fidei,  sed  fructus  spiritus,  ut  docet  Paulus:  sicut  fides  ipsa  est  fructus  spiritus.  Spiritus  actione  per  exercitationem  quandam  nos  caritate  et  operibus  proficimus,  a  quibus  ea  fides  efficaciam  accipit  Fides  per  caritatem  est  efficax,  efficaciam  dans,  et  accipiens:  id  quod  alibi  inter  actus  et  habitus  videmus,  ut  mutuo  se  roborent.  Fidem  ab  aliis  sumere4)  vim  aliquam,  vel  hinc  manifeste  colligitur:  quia  si  ab  eis  cessemus,  moritur  fides.  Nisi  caritate  et  operibus  vestitam  fidem  servemus,  nudata  moritur.  Sicut  ex  actibus  roboratur  habitus,  sicut  exercitationibus  roboratur  corpus,  et  lectionibus  roboratur  intellectus,  ita  et  bonis  operibus  roboratur  fides.  Sicut  ieiunio  et  oratione  vivificatur  magis  spiritus,  ita  et  vivificatur  magis  fides.  Nisi  iugiter  negotiemur,  igni  oleum  et  fomentum  addamus,  evanescit  spiritus,  qui  est  ipsa  fidei  vita.  Sicut  ignis  hic  elementaris  nobiscum  non  manet,  nisi  pabulo  foveatur,  et  pabulo  crescit,  ita  et  ignis  spiritus  Dei.  Adde,  quod  coena  domini  dicitur  etiam  fomentum  fidei,  fomentum  interni  hominis,  qui  sine  quotidiano  cibo  contabescit.  Baptismus  vero  regenerans,  dicitur  vita  fidei  [pag.  631]  seu  instrumentum,  quo  vita  confertur,  per  vivificantem  regenerationis  spiritum.  Fides  itaque  di  f  finitur,  esse  fiducia  tanto  perfectior,  quanto  auctior,  quanto  stabilior,  ut  indicat  vox  yu#n  heemin,  unde  nomen  accipit  fides.  De  ea  ita  loquitur  Iehosaphat  2  Paral.  20:  Stabiles  sitis  in  Deo  vestro  et  stabiliemini.  Et  Esa.  7  :  Si  stabiles  fide  non  estis,  nec  vos  quidem  stabiliemini.  Magnam  fidem  vocat  Christus,  et  modicam  fidem,  ubi  est  haesitatio.  Hinc  vere  cognosces,  qualiter  in  nobis  moritur  fides,  et  qualiter  nos  ad  mortem  peccamus.  Non5)  ex  quovis  lapsu  a  nobis6)  tollitur  spiritus  fidei,  sed  per  inertiam  nostram  est  passim  sepultus,  et  carnis  fluctibus  fere  submersus.  Carnis  illecebra,  nisi  sedulo  caveamus,  quasi  insidians  torpedo,  sensum  spiritus  nobis  hebetat,  nosque  totos  inebriat.  Tunc  nos  tentationibus  gravibus  passim  succumbimus,  sed  non  ad  mortem:  nisi  quando,  iusto  Dei  iudicio,  datur  nobis  tam  reproba  mens,  ut  in  contrariam  Christo  ethnicam  infidelitatem  decidamus,  1)  gratia  actum  illum.  2)  suo  om.  3)  dare.  4)  accipere.  5)  Non  enim.  6)  Add.  mox.  Calvini  opera.  Vol.  Vili.