23:689  689  SERMONS.  69O  que  nous  soyons  iustifiez  par  foy,  si  est-ce  qu'ils  ne  peuvent  recevoir  ny  accepter  que  ce  soit  du  tout.  Et  la  raison?  C'est  qu'ils  n'entendent  point  ce  mot  de  Foy,  ou  ce  mot  de  Croire.  Et  pour  le  bien  entendre  il  nous  faut  mettre  une  conionction  entre  la  Foy  et  la  Promesse.  Car  on  pourra  bien  chanter  a  une  voix:  mais  nous  n'aurons  point  une  melodie  parfaite,  sinon  qu'il  y  ait  plusieurs  voix  et  bonne  correspondance.  Ainsi  est-il  de  la  foy:  car  si  la  parole  de  Dieu  ne  precede,  et  que  la  foy  ne  s'accorde  avec  icelle,  il  n'y  aura  nulle  melodie.  Ce  sont  deux  choses  inseparables  que  la  Parole  de  Dieu  et  la  Foy.  Ainsi  on  parleroit  tant  et  plus  de  Croire,  et  cependant  tout  cela  seroit  comme  le  haut  Allemand  (comme  on  dit)  ce  seroit  un  mot  barbare,  comme  ii  est  entre  les  Papistes,  iusques  a  ce  que  nous  ayons  ce  point-la  qu'il  faut  que  Dieu  parle,  et  que  nous  ayons  les  aureilles  ouvertes  et  ententives  pour  [pag.  110]  obeir  et  acquiescer  a  son  dire.  Qu'est-ce  donc  de  Croire?  C'est  de  recevoir  ce  qui  nous  est  propose  de  la  bouche  de  Dieu,  avec  telle  reverence,  que  nous  soyons  la  retenus,  et  que  toute  doute  soit  excluso  de  nous.  Or  maintenant  il  faut  encores  venir  plus  outre:  car  Dieu  parlera  tellement  quelque  fois,  qu'il  ne  nous  profitera  gueres  de  l'escouter.  Nous  avons  veu  cy  dessus,  quand  il  a  parle  a  Cain,  et  luy  a  demande  ou  estoit  son  frere  Abel,  que  Cain  a  bien  senti  niaugre  ses  dens  qu'il  falloit  respondre  devant  son  iuge,  neantmoins  si  n'a-il  pas  laisse  de  gronder  et  de  se  despiter,  disant:  Qui  est-ce  qui  m'a  fait  gardien  de  mon  frere?  Adam  mesmes  a  bien  ouy  ceste  voix:  Ou  es-tu?  mais  il  a  este  saisi  d'espouvantement  et  d'effroy,  il  s'est  cache,  et  eust  voulu  trouver  quelque  abvsme  pour  fuir  la  presence  de  Dieu.  Il  ne  suffira  pas  donc  que  nous  recevions  la  parole  qui  nous  est  donnee  de  Dieu  en  telle  authorite  qu'elle  merite:  mais  il  faut  que  ceste  parole  soit  qualifiee,  c'est  a  dire,  il  faut  que  ce  soit  une  certaine  parole  pour  nous  faire  approcher  de  Dieu,  et  pour  nous  faire  participans  de  sa  bonte:  que  nous  ne  doutions  point  qu'il  nous  sera  Pere  et  Sauveur,  et  que  la  dessus  nous  ayons  la  hardiesse  de  le  reclamer,  et  nous  tenir  pour  ses  enfans,  et  avoir  nostre  refuge  a  luy.  Ainsi  donc  nous  voyons  comme  Abram  a  creu:  ce  n'est  pas  qu'il  ait  conceu  une  [pag.  l  i  i  ]  opinion  fantastique  en  sa  teste:  car  la  foy  vient  de  l'ouye  (dit  sainct  Paul)  et  l'ouye,  de  la  parole  de  Dieu.  Abram  donc  a  ouy  et  a  este  enseigne  devant  que  croire.  Et  puis  ce  n'a  pas  este  d'un  homme  mortel  ou  de  quelque  creature:  mais  il  a  cognu  que  c'estoit  Dieu  qui  l'avoit  appelle  pour  estre  de  ses  enfans.  Or  cela  ne  suffiroit  point,  comme  nous  avons  dit,  mais  Abram  a  ouy  ces  mots:  Ie  suis  ton  loyer  tresample,  ie  suis  ton  "bouclier,  ie  suis  ta  deffense:  Calvini  opera.  Vol.  XXIII.