8:687  687  SERVETI  688  esse  nunc  filios,  vereque  participes,  docet  ibi  Paulus,  et  ad  Galat.  4.  Vere  ad  nos  adtulit  Christus  coeleste  regnum,  et  coelestem  ecclesiam.  Inter  hanc  igitur  ecclesiam,  a  spiritu  sancto  gubernatam,  et  scripturam,  a  spiritu  sancto  dictatam,  nullum  potest  esse  dissidium:  imo  l)  par  est  autoritas  in  dogmatum  discussione.  Illud  verum  est,  quod  sine  scripturis2)  stare  potest  ecclesia  Christi  vera:  et  erat  ecclesia  Christi,  antequam  apostoli  scriberent.  Ecclesiae  prophetia,  interpretatio,  et  vox  viva  praefertur  scripturae  mortuae,  et  ecclesia  iudicat  quae  scripta  sint  sacra,  sicut  ecclesia  iudicat  de  spiritibus,  an  ex  Deo  sint.  Sed  ubi  est  nunc  ecclesia  haec?  In  coelestibus  spiritibus,  et  beatorum  animis  assumptis,  est  semper  Christi  ecclesia,  dicto  cap.  Heb.  12,  a  terris  autem  fugata  est  ad  annos  mille  ducentos  sexaginta  {Apoc.  12).  Ecclesia  ibi  vere  ostenditur  mulier  illa,  sole  Christo  et  [pag.  628]  stellis  duodecim  ornata.  Quae  olim  varie  cruciabatur,  ut  pareret  Christum:  quia  multis  modis  passa  est  ecclesia,  ut  nomen  Christi  propagaret,  et  in  credentium  cordibus  Christum  vere  gener  ar  et.  Peperit  ergo  nunc5)  ecclesia  Christum,  qui  urgente  per  Antichristum  dracone  raptus  est,  et  ecclesia  fugata  in  locum  ab  hominibus  incultum,  ad  annos  1260.  Ibi  in  coelestibus  spiritibus  fovet  Christus  ecclesiam,  quae  sua  coelesti  gloria  non  est  spoliata,  quin  sole  et  stellis  semper  ornetur.  Perpetuo  ergo  durat  et  regnat  ecclesia  Christi,  sicut  perpetuum  est  regnum  Christi,  quamvis  durante  regno  Antichristi  discesserit.  Discessionem  ecclesiae  ibi  docet  Ioannes.  Discessionem  eius,  seu  defectionem  vocat  Paulus,  sedente  Antichristo,  et  tu  ipse  ita  defectionem  interpretaris.  Vere  fuit  in  terris  defectio,  seu  a  terris  discessio:  ut  multi  prophetae  desolationem  hanc  et  vacuitatem  terrae  praedixerunt.  Quanquam4)  igitur  fuerit  in  terris  defectio,  fuit  tamen  semper  coelestis  ecclesia,  vera  Christi  spofisa,  et  aliquando  ea  in  nobis  erat,8)  sicut  et  fuit  super  terram.  Visibilis  erit  ecclesia,  quae  nunc  est  invisibilis,  et  nos  ipsi  cum  illis  erimus  ecclesia,  congregatio  Christi.  In  huius  ecclesiae  restitutione  ego  iugiter  laboro,  et  ob  id  tu  mihi  succenses,  quod  pugnae  illi  Michaelis  me  immisceam,  et  pios  omnes  misceri  desiderem.  Sed  locum  illum  diligenter  expende,  et  videbis,  homines  fore  qui  ibi  pugnabunt,  animas  suas  morti  exponendo,  in  sanguine  et  testimonio  Iesu  Christi,  ut  aperte  docet  ibi  Ioannes.  Angelos  vero  dici,  obvium  est  in  scripturis.  Eo  magis,  quia  in  ipso  coelo  pugnant  angeli  boni  contra  draconem,  et  alios  angelos  papatus.  Annon  credis  papatui  suos  praeesse  angelos  P  Ergo  destrui  non  potest  sine  an-  1)  ideo.  2)  scriptura.  3)  tunc.  4)  quamvis.  5)  erit.