35:687  687  SERMONS  DE  LA  PROPHETIE  DE  CHRIST.  688  trouver  grace  devant  Dieu  sans  le  Chef:  elle  a  eu  besoin  que  Iesus  Christ  fust  son  Redempteur,  aussi  bien  qu'il  a  este  le  nostre.  Les  Apostres  et  Martyrs,  les  Patriarches  et  Prophetes  ont  en  aussi  la  mesme  necessite  de  recourir  a  ce  Redempteur  qui  est  commun  a  tous.  Et  que  sera-ce  quand  nous  les  viendrons  chercher?  Ainsi  d'autant  que  les  Apostres  nous  ont  renvoyez  a  Iesus  Christ,  et  nous  ont  declare  que  c'estoit  la  qu'il  nous  faloit  avoir  nostre  addresse,  que  luy  aussi  nous  convie  tant  doucement,  disant,  Venez  a  moy:  ne  reculons  point,  et  n'allons  point  extravaguer,  mais  approchons  franchement.  Car  ce  n'est  point  seulement  pour  les  Prophetes  qu'il  parle  ainsi,  ou  pour  les  Apostres  et  Martyrs,  ou  pour  la  vierge  Marie,  mais  il  nous  veut  retenir  tous  a  soy,  comme  aussi  il  nous  est  tres  necessaire.  Apprenons,  di-ie,  de  ne  point  vaguer  ca  et  la  quand  nous  prions  Dieu,  et  cognoissons  le  bien  qu'il  nous  a  fait  quand  il  luy  a  pleu  nous  retirer  de  cest  abysme  et  confusion  de  la  Papaute,  et  nous  monstrer  comme  nous  aurons  la  porte  ouverte  pour  venir  a  luy,  ascavoir  d'autant  que  Iesus  Christ  est  nostre  Intercesseur.  Demourons  la  sans  vaguer  ne  d'un  coste  ne  d'autre.  Car  il  est  certain  que  si  nos  prieres  ne  sont  reglees  selon  la  parolle  de  Dieu,  elles  sont  frivoles,  et  Dieu  les  reiette:  et  aussi  elles  ne  peuvent  estre  faites  en  foy  sinon  que  la  certitude  procede  de  la:  c'est  ascavoir  de  la  verite  de  Dieu.  Or  maintenant  si  nous  voulons  que  nos  oraisons  soyent  fondees  en  foy,  il  faut  qu'elles  soyent  conformes  a  la  volonte  de  Dieu,  et  que  nous  ensuyvions  ce  qu'il  nous  commande:  c'est  ascavoir  que  nous  tenions  Iesus  Christ  pour  nostre  Intercesseur,  Advocat  et  Mediateur.  Voyla  donc  l'addresse  qu'il  nous  donne,  et  le  fondement  sur  lequel  nous  devons  estre  appuyez,  afin  que  nous  ne  fiottions  point  comme  roseaux  a  tous  vents.  Et  voyla  pourquoy  il  dit  tant  souvent,  Ce  que  vous  demanderez  a  mon  Pere  en  mon  nom,  vous  sera  donne.  Et  nous  voyons  mesmes  comme  les  fideles  sous  la  Loy,  combien  qu'ils  n'eussent  pas  telle  clarte  comme  celle  que  nous  avons  auiourd'huy  en  l'Evangile,  n'ont  pas  laisse  toutesfois  de  mettre  Iesus  Christ  en  avant:  voire  sous  la  figure  qui  leur  estoit  donnee.  Seigneur,  disoyentils,  regarde  en  la  face  de  ton  Christ,  et  pour  l'amour  de  ton  Oingt  que  tu  nous  exauces.  O