23:687  687  SERMONS.  688  que  le  tout  est  tellement  dirige,  que  nous  sommes  contrains  de  nous  en  esmerveiller.  Puis  qu'ainsi  est  donc,  ce  n'est  point  sans  cause  que  ce  miroer  est  mis  devant  les  yeux  d'Abram:  car  en  cela  il  peut  conclure:  Si  Dieu  en  un  moment  a  rempli  tout  le  ciel  d'estoiles,  ou  au  paravant  il  en  estoit  vuide:  ne  pourra-il  par  aussi  remplir  non  seulement  ma  maison,  mais  tout  un  pais,  voire  et  plusieurs,  quand  il  me  voudra  donner  lignee?  Car  sa  vertu  n'est  point  amoindrie:  il  n'a  pas  este  une  fois  seulement  createur  du  monde,  mais  apres  l'avoir  cree  il  ne  laisse  pas  encores  tous  les  iours  de  le  conserver  miraculeusement.  Ainsi  donc  Abram  a  eu  comme  une  certaine  marque,  et  comme  un  gage  qui  lui  estoit  donne.  Et  en  cela  voyons-nous  que  Dieu  a  cognu  quelque  infirmite  en  luy:  non  qu'il  se  defie  de  ce  que  Dieu  avoit  prononce,  mais  pource  que  luy  estant  homme,  ne  pouvoit  pas  tellement  se  moderer,  qu'encores  il  ne  demandast  comment  il  seroit  possible  qu'en  sa  semence  toutes  les  nations  de  la  terre  seroyent  benites,  entant  [pag.  106]  donc  qu'il  y  a  eu  quelque  infirmite  meslee  parmi  la  foy,  ainsi  qu'hier  il  en  fut  traitte:  voila  pourquoy  Dieu  luy  adiouste  ceste  aide.  Et  ainsi  nous  avons  a  noter  "en  ce  passage,  comme  en  tous  autres,  que  Dieu  nous  supporte  en  nostre  fragilite.  Non  pas  qu'il  nous  faille  flater  de  nostre  part:  car  nous  avons  a  batailler  contre  toutes  nos  passions,  contre  nos  pensees  et  affections  mauvaises,  pour  donner  lieu  a  la  verite  de  Dieu,  et  pour  la  tenir  certaine  et  infaillible:  mais  quoy  que  nous  facions,  que  nous  ne  laissons  pas  d'estre  debiles  en  quelque  sorte:  et  si  ne  cognoissons  nostre  vice,  si  est-ce  que  Dieu  le  cognoist.  Que  seroit-ce  donc,  sinon  que  nous  fussions  espargnez  par  sa  bonte  infinie?  Voila  donc  ce  que  nous  avons  a  considerer  sur  ce  passage,  quand  il  est  dit  que  nostre  pere  Abram  a  este  conferme  en  Ia  parole  de  Dieu  et  en  sa  promesse,  comme  nous  experimenterions  tous  les  iours  le  semblable  en  nous,  sinon  que  nous  fussions  aveuglez  de  nostre  malice:  car  nous  ne  regardons  pas  de  si  pres  ne  si  diligemment  aux  oeuvres  de  Dieu  comme  nous  devrions.  Mais  si  nous  savions  faire  nostre  profit  de  tous  les  moyens  que  Dieu  nous  presente,  afin  de  nous  asseurer  de  se  promesses:  nous  verrions  que  s'il  a  espargne  son  serviteur  Abram,  comme  il  cognoist  que  nous  sommes  cent  fois  plus  fragiles,  qu'aussi  il  n'oublie  rien  de  son  coste  [pag.  107]  qui  puisse  servir  a  la  confirmation  de  nostre  foy.  Or  la  dessus  Moyse  adiouste  (Qu'Abram  a  creu  a  Dieu,  et  qu'il  luy  a  repute  ceci  a  justice).  Voici  un  passage  qui  est  assez  simple,  et  de  prime  face  on  ne  s'y  arresteroit  pas  beaucoup,  comme  aussi  les  Iuifs  sont  tant  aveuglez  et  stupides  qu'ils  ne  savent  pas  que  ceci  veut  dire.  Et  entre  les  Chrestiens  a  peine