9:686  frangitur  atque  editur,  esse  corpus  suum,  poculum  item  esse  sanguinem  suum,  hoc  est  corporis  et  sanguinis  sui  sacramentum,  sic.ut,  extra  fractionem  atque  participationem  a  Christo  institutam,  neque  panis  sit  corporis  neque  poculum  sanguinis  sacramentum,  sed  vis  sacramenti  tota  ab  actione  sola  dependeat,  inque  ipsa  actione  consistat  distributionis  elementum  et  participationis.  Ad  hunc  sane  modum  et  Paulus  verba  haec  exponit,  dum  nomen  corporis  a  pane  ipso  ad  actionem  transfert,  et  quod  Christus  Dominus  corpus  suum  vocat,  id  ille  corporis  communionem  appellat:  quo  quidem  simul  docemur,  etiam  pronomen  demonstrativi  1)  in  Christi  verbis,  hoc,  iam  non  posse  referri  ad  panis  substantiam  sive  naturam,  quam  ipsa  panis  natura  sive  substantia  actio  vocari  non  potest,  quum  addita  a  Paulo  communionis  vox  aliud  nihil  sit  quam  actio,  neque  de  ulla  prorsus  usquam,  nedum  de  panis,  substantia  in  verbis  coenae  praedicari  possit.  Hecte  igitur  nos  etiam  Paulum  sequuti  pronomen  demonstrativum  hoc  non  ad  panem  ipsum,  sed  ad  ipsam  coenae  actionem  referimus,  nempe  ad  eius  fractionem,  hoc  est,  distributionem  simul  et  participationem.  Notus  est  enim  hebraismus  in  panis  fractione,  quae  pro  ipsa  cibatione  accipi  solet.  Atque  ita  recte  etiam  coenam  Domini  ex  hisce  ipsius  verbis  diffinimus.  Nunc  ad  Jipsam  diffinitionis  explicationem  veniamus.  Est  autem  haec  coenae  diffinitio,  ut  brevis  in  se,  ita  paulo  obscurior  etiam  si  non  verba  ipsius  aliquanto  clarius  explicentur.  Dum  igitur  coenam  sacramentum  esse  dicimus,  iam  illam  duabus  partibus  constare  simul  dicemus:  symbolo  videlicet  et  mysterio  suo.  Quae  utraque  iam  sunt  explicanda,  ut  vox  sacramenti,  in  suas  partes  resoluta,  clariorem  reddat  brevem  alioqui  illam  coenae  diffinitionem.  Symbolum  ergo  in  coena  est,  non  equidem  panis  ipse  aut  vinum,  sed  ea  potius  panis  et  poculi  distributio  simul  et  perceptio  quae  in  ecclesia  per  eius  ministros  et  coetum  in  hoc  collectum  peragitur,  iuxta  Christi  institutionem.  Mysterium  vero  est  coelestis  illa  aeternaque,  et  nunquam  amplius  interrumpenda  nostra  cum  Christo  in  corpore  et  sanguine  ipsius  communio,  quae  per  symbolum  quidem  coenae  συμβολικῶς  designatur,  ut  dictum  est,  ac  velut  ob  oculos  ponitur,  ad  fidei  nostrae,  semper  alioqui  vacillantis,  exercitium  et  confirmationem.  Caeterum  neque  ministri  distributione,  neque  cuiusvis  item  e  coetu  collecto  perceptione  constat,  sed  per  ipsummet  Christum  Dominum  peragitur,  corda  ad  se  nostra  in  ipsa  coenae  actione  afflatu  sancti  sui  spiritus  in  coelum  usque,  aut  in  supercoel  estia  etiam,  subvehentem,  sic  ut,  dum  hic  in  terris  in  coetu  ecclesiae  ex  ministri  manibus  panem  et  pocu-  1)  sic!