8:686  est  Mose,  credens  Deo  (Exod.  18).  Iustus  dicitur  Abimelech,  rex  Gerar  (Genes.  20),  qui  tamen  nec  promissiones,  nec  legem  sciebat.  Pontificem  ad  sacrificandum  gentes  habuerunt  Melchisedech.  Foedus  omnium  fuit  arcus  coelestis,  tit  eum  videntes  Dei  recordarentur,  Deum  coeli  et  terrae  possessorem  cum  Melchiledech  crederent,  divina  eius  protectione  servandi.  Opera  item  gentibus  prodesse  poterant,  ut  Cornelio:  atque  ita  erat  inter  gentes  sacrificium  Deo  gratum,  et  oblatio  munda  (Malach.  1  et  Ionae  1).  Si  Nabuchodonosor,  ethnicus  idolorum  cultor,  poterat  eleemosynis  peccata  aliquo  modo  redimere,  quare  gentibus  non  proderunt  eleemosynae?  Annon  Belsasar  nepos  eius  appensus  est  in  statera?  Bona  eius  opera  minoris  erant  ponderis,  quam  mala.  Erant  igitur  aliqua  bona  opera,  et  suum  in  statera  pondus  habebant.  At  Christi  vocatio  est  peculiare  donum,  in  electo  Iacob  figurata,  adhibitis  ei1)  Dei  oraculis,  et  de  futuro  Christo  visionibus.  Unde  merito  praefertur  ipsi  Esau.  Omnibus  insitum  est  velle  bonum  in  genere:  sed  velle  Christum,  est  peculiare  donum.  Christum  vidit  et  desideravit  Iacob,  non  Esau.  Et  hoc  est  donum  maximum.  Quo  dono  qui  privantur,  sive  Iudaei,  sive  gentes,  dicuntur  omnes  exosi  cum  Adam,  et  perire  cum  Adam,  in  mortem  et  infernum.  Attamen  omnes  resurgent,  plerique  vitam  habituri.  Ex  inferis  resurgent  pusilli,  et  magni,  iuxta  propria  facta  iudicium  accepturi  (Apoc.  20).  Ex  inferis  resurgent,  futurum  iudicium  formidantes.  At  nos  iam  resurreximus  cum  [pag.  627]  Christo  ad  coelestia.  Non  ex  inferis  nos  resurgemus,  nec  futurum  iudicium  formidabimus,  aeterna  vita  iam  donati.  Ad  quam  nos  omnes,  o  utinam  inducat  clementissimus  dominus  noster  Iesus  Christus,  filius  Dei,  aeternae  huius  vitae  nobis  autor  et  consummator.  Amen.  EPISTOLA  VICESIMA.  De  ecclesiae  potestate  controversiam  facis,  an  sit  eius,  vel  scripturae,  autoritas  maior  in  dogmatum  discussione?  Et  an  perpetuo  duret  ecclesia?  Ecclesiam  autem  accipi  oportet,  non  ut  spectatur  ab  hominibus,  sed  ut  agnoscitur  a  Christo,  qui  medius  est  inter  suos  congregatos.  Quaestio  non  est  difficilis  si  primo  constet,  ubi  sit  ecclesia  Christi  vera,  lavacro  mundata.  Eius  enim  potestas,  quamvis  occultetur,  maxima  est,  et  coelestis  supra  omnes  mundi  potestates  adeo  ut  angeli  et  daemones  ei  pareant,  sicut  uxori  dilectae  parent  omnes  ministri.  In  ecclesia  Christi  semper  sunt  coelestes  spiritus,  et  Christus  ipse  (Heb.  12).  Una  ibi  ostenditur  esse  omnium  ecclesia,  uno  spiritu  unita.  Coelestis  huius  ecclesiae  Christianos  1)  et.