35:686  par  despit  de  Dieu,  et  de  ce  que  Dieu  avoit  prononce  de  Iesus  Christ  luy  en  donnant  l'office,  ils  ont  donne  a  cestuy-ci  et  a  cestuy-la  le  droict.  Comme  auiourd'huy  la  vierge  Marie  sera  nommee  advocate  des  Papistes.  Au  diable  soyent  toutes  ieurs  prieres:  car  c'est  autant  comme  s'ils  renoncoyent  a  Dieu,  et  a  nostre  Seigneur  Iesus  Christ.  Et  aussi  il  faudra  mesme  que  la  vierge  Marie  crie  vengeance  a  l'encontre  d'eux,  pour  ce  qu'ils  ont  fait  une  idole  detestable,  et  ont  ravi  a  Iesus  Christ  la  dignite  de  ceste  sacrificature,  voire  laquelle  a  este  ratifiee  par  serment  solennel  de  Dieu  :  et  ont  voulu  falsifier  toute  l'Escriture  saincte.  Les  Papistes  cuident  bien  que  la  vierge  Marie  leur  aidera,  mais  il  faudra  qu'elle  demande  (comme  i'ay  dit)  vengeance  a  l'encontre  d'eux  de  l'iniure  qu'ils  luy  ont  faite:  car  s'ils  luy  crachoyent  au  visage,  et  qu'ils  dissent  tous  blasmes  contr'elle,  il  est  certain  qu'ils  ne  luy  scauroyent  faire  un  plus  grand  opprobre  que  quand  ils  l'appellent  Advocate.  Et  pourquoy  ?  car  il  est  dit  que  Iesus  Christ  est  etabli  Sacrificateur,  de  Dieu  son  Pere.  Et  comment?  Avec  serment  solennel.  I'ay  iure  (dit-il)  et  ne  m'en  repentiray  point.  Voyla  donc  sur  quoy  nous  devons  estre  fondez,  ascavoir  sur  l'intercession  de  nostre  Seigneur  Iesus  Christ,  d'autant  que  (comme  dit  sainct  Paul  au  3.  chapitre  des  Ephesiens)  nous  pouvons  approcher  de  Dieu,  et  nous  presenter  a  luy,  quand  nous  y  sommes  conduits  par  nostre  Seigneur  Iesus  Christ,  qui  est  (comme  nous  avons  dit)  pour  nous  y  faire  trouver  grace.  Or  que  veulent  faire  les  Papistes?  Ils  veulent  aneantir  la  Sacrificature  de  nostre  Seigneur  Iesus  Christ,  ils  veulent  qu'elle  soit  nulle.  Et  quand  ils  vienent  avec  une  telle  audace  diabolique  pour  renverser  le  decret  immuable  de  Dieu,  comment  peuvent-ils  esperer  d'estre  exaucez?  Ainsi  donc  concluons  qu'en  la  Papaute  toute  ceste  doctrine  a  este  ensevelie.  Et  pourquoy?  Ie  say  bien  qu'ils  allegueront  que  nous  ne  sommes  pas  dignes  de  venir  devant  Dieu.  Il  est  vray:  et  qui  en  doute?  mais  cependant  regardons  ou  il  nous  faut  chercher  nostre  dignite.  N'est-ce  pas  en  Iesus  Christ  seul?  Et  ils  auront  leur  recours  a  la  vierge  Marie,  et  a  S.  Michel,  aux  Apostres:  et  puis  ils  auront  leurs  saincts  qu'ils  ont  forgez,  qui  ne  furent  iamais  au  monde,  ou  qui  ont  este  canonizez  a  l'appetit  du  Pape,  voire  pour  estre  au  profond  d'enfer:  voyla  leurs  patrons  et  advocats.  Mais  encores,  quand  nous  accorderons  cela  aux  Papistes,  que  leurs  Saincts  qui  iamais  ne  furent,  ou  qui  ont  este  des  demi-diables,  et  des  phantosmes,  ayent  este  Apostres  et  Martyrs,  et  ayent  vescu  autant  sainctement  qu'il  est  possible,  n'ont-ils  pas  eu  toutesfois  aussi  bien  besoin  d'advocat  que  les  autres?  Il  est  certain  que  la  vierge  Marie  ne  pouvoit  pas