23:686  ques.  Car,  comme  nous  verrons  cy  apres,  il  a  este  pere  de  tous  fideles  en  general.  Ainsi  donc  la  lignee  d'Abram  a  este  beaucoup  plus  grande  quand  Dieu  a  diminue  ce  qui  estoit  descendu  de  luy  selon  la  chair,  que  s'il  eust  laisse  ce  nombre-la  en  son  entier.  Or  par  cela  nous  sommes  admonestez  de  ne  point  mesurer  a  nostre  opinion  et  fantasie  les  oeuvres  de  Dieu:  mais  donner  lieu  a  sa  puissance  incomprehensible,  et  nous  contenter  quand  il  a  dit  le  mot,  qu'il  est  puissant  de  l'accomplir,  comme  il  en  sera  traitte  cy  apres  plus  au  long.  Sur  ce  que  Dieu  a  tire  Abram  hors  de  sa  loge  et  de  sa  tente,  et  qu'il  luy  a  fait  regarder  les  estoiles  du  ciel,  il  n'est  ia  besoin  de  nous  amuser  a  ceste  subtilite  puerile,  Que  Dieu  a  compare  l'Eglise  aux  estoiles,  pource  que  nous  sommes  citoyens  du  Royaume  des  cieux,  que  nous  habitons  en  terre  comme  pelerins,  ne  faisans  que  passer  outre.  Ce  n'est  pas  le  sens  du  passage.  Comme  quand  il  a  este  parle  cy  dessus  de  la  poussiere,  il  y  en  a  qui  speculent  que  l'Eglise  est  la  mise  souz  l'image  et  figure  de  la  poudre,  et  qu'elle  sera  mesprisee  du  monde:  tout  cela  [pag.  104]  ne  sont  que  menus  fatras,  ou  il  n'y  a  nulle  fermete.  Mais  nous  voyons  pourquoy  Dieu  a  mis  devant  a  son  serviteur  Abram  les  estoiles  du  ciel,  et  les  luy  a  fait  regarder:  c'est  pour  luy  faire  contempler  sa  vertu,  afin  qu'il  n'apportast  point  ses  discours  et  sa  raison  propre  pour  iuger  de  la  verite  de  ceste  promesse,  laquelle  luy  estoit  incroyable  selon  l'ordre  de  nature.  Car  iamais  la  foy  n'aura  entree  en  nous,  iusques  a  ce  que  ce  vice  soit  abatu  et  corrige:  c'est  assavoir  de  nous  demettre  de  nostre  iugement  naturel,  et  d'estre  vuides  de  toute  nostre  sagesse,  afin  d'attribuer  a  Dieu  l'honneur  qui  luy  appartient.  Or  regardons  si  ce  n'est  pas  un  beau  miroir  et  excellent  de  la  vertu  infinie  de  Dieu,  que  ceste  multitude  infinie  d'estoiles  que  nous  voyons  au  ciel:  car  le  tout  a  este  cree  en  un  moment.  Et  voila  aussi  pourquoy  au  Pseaume  ce  miracle  est  magnifie,  que  c'est  luy  qui  conte  la  multitude  des  estoiles,  et  qui  leur  impose  nom:  c'est  a  dire  qu'il  les  assuiettit  a  soy  et  a  son  empire.  Quand  donc  nous  ouvrons  les  yeux  pour  contempler  les  estoiles,  il  nous  faut  venir  a  la  creation:  car  en  une  minute  de  temps,  si  tost  que  Dieu  a  prononce  le  mot,  voila  le  ciel  qui  est  plein  de  ceste  gendarmerie,  comme  aussi  l'Escriture  les  appelle.  Voila  donc  les  armees  celestes  qui  ont  este  creees  en  une  minute  de  temps,  et  elles  sont  tousiours  la  pour  [pag.  105]  rendre  obeissance  a  Dieu.  Nous  voyons  que  toutes  estoiles  cheminent  par  compas,  et  combien  qu'il  se  face  une  revolution  si  grande  comme  on  le  voit  d'un  coste  et  d'autre,  et  que  les  planettes  pourroyent  remuer  le  firmament,  et  que  tout  cela  s'en  pourroit  mesler  ensemble:  toutesfois  nous  voyons