9:685  685  BREVE  COMPENDIUM.  686  tota  illa  actio  cum  suis  mysteriis.  Sacramenti  symbolum  erat  externus  ille  agni  esus  cum  suis  caeremoniis  ut  a  Domino  institutae  erant.  Mysteria  erant  sacramenti:  primum,  cum  vero  illo  agno  ad  pascatis  suo  tempore  mactando,  nempe  Christo  Domino,  in  corpore  et  sanguine  ipsius  communio,  qua  factum  est  ut  a  plaga  percutiente  liberati  ad  terram  demum  promissionis  maiores  nostri  evoearentur  :  alterum,  peregrinationis  iudaicae  solique  aegyptii  mutati  admonitio,  ne  ad  opera  aegyptiaca  amplius  rursum  prospicerent,  sed  ad  maturandum  iter  suum  in  terram  usque  promissam  ferendaque  itineris  incommoda  prompti  expeditique  semper  essent.  Elementa  vero  huius  sacramenti  sunt:  agnus  ipse  assus,  panes  azimi,  lactuca,  et  alia  omnia  quae  ad  usum  coenae  pascalis  adhibebantur.  Sic  in  baptismo  quoque  nunc  sacramentum  est  actio  tota  cum  symbolo  et  mysteriis.  Baptismi  symbolum  est,  non  aqua  ipsa,  sed  externa  illa  in  aqua  tinctio,  ut  est  a  Domino  instituta.  Mysteria  sacramenti  sunt,  primum  designata  nostri  per  tinctionem  in  Christi  sanguine  emundatio,  per  delatam  nobis  gratuito  illius  communionem,  alterum  mortificatio  et  renovatio  nostri  per  poenitentiam,  cuius  per  omnem  vitam  nostram  usu  baptismi  admonemur.  Elementum  autem  sacramenti  est  aqua,  ex  Christi  Domini  institutione.  Ad  eundem  igitur  modum  et  in  coena  Domini  sacramentum  hic  nobis  erit  tota  coenae  cum  symbolis  et  mysteriis  suis  actio.  Symbolum  sacramenti  erit  non  panis  aut  vinum  adhibitum,  sed  ipsa  a  Christo  Domino  instituta  distributio  ac  perceptio  symbolica  poculi  et  panis.  Mysteria  autem  erunt,  primum  corporis  et  sanguinis  Christi  vera  et  salutaris  communio,  alterum  caritatis  et  coniunctionis  inter  nos  mutuae,  patientiaeque  item  ac  perseverantiae,  deinde  vero  disciplinae  etiam  ecclesiasticae  observandae  incitamentum.  Elementa  autem  sacramenti  huius  erunt  panis  et  vinum.  His  vero  iam  ita  constitutis  ad  ipsam  de  coena  Domini  doctrinam  tandem  accedamus:  ac  primum  rem  ordiemur  ab  ipsa  coenae  diffinitione,  quam  ex  ipsis  Christi  Domini  verbis,  quae  vulgo  etiam  verba  coenae  vocantur,  petemus,  eamque  postea  per  vocum  explicationem  clarius  exponemus,  sic  tamen  ut  veritati  verborum  coenae  nusquam  detrahamus.  Igitur  coena  Domini  est  sacramentum  corporis  et  sanguinis  Christi.  Hanc  diffinitionem  colligimus  ex  ipsismet  Christi  Domini  verbis,  dum  ait:  Hoc  est  corpus  meum,  hoc  est  sanguis  meus.  Sunt  enim  verba  instituentis  sacramentum.  Et  proinde  exponere  nobis  voluit  etiam  verbis  suis  Dominus  ipse,  quidnam  illud  esset  quod  in  extremo  alioqui  vitae  suae  articulo,  velut  ultimum  μνημόσυνον  quoddam,  a  suis  donec  rursum  rediret  in  sua  ecclesia  observandum,  instituebat.  Docet  igitur  panem,  dum  in  coena