35:685  685  DE  LA  PROPHETIE  DE  CHRIST.  686  venir  a  Dieu,  il  dit  notamment,  Et  qui  est-ce  qui  sera  contre  nous?  combien  que  nous  ayons  beaucoup  d'ennemis,  si  est-ce  que  nous  ne  devons  point  nous  estonner:  car  a  qui  est-ce  que  nous  avons  a  rendre  conte  de  nostre  vie?  Qui  est  nostre  iuge?  Iesus  Christ,  et  celuy-la  mesme  est  nostre  advocat,  qui  intercede  pour  nous,  et  qui  est  la  pour  appointer  entre  Dieu  et  nous.  C'est  luy  qui  nous  fera  trouver  grace.  Ainsi  nous  pouvons  lever  la  teste  hardiment,  et  nous  trouver  devant  Dieu:  voire  venir  en  toute  hardiesse  devant  son  siege  iudicial,  puis  que  nous  avons  Iesus  Christ  qui  est  la  au  milieu.  Voyla  donc  ce  que  nous  avons  a  retenir  en  somme,  quand  il  est  yci  parle  de  l'intercession.  Brief,  toutes  fois  et  quantes  qu'on  nous  presche  de  la  mort  de  nostre  Seigneur  Iesus  Christ,  conioignons  quant  et  quant  la  priere  qu'il  a  faite,  et  qu'il  a  faite  un  coup,  afin  qu'elle  demeurast  a  iamais,  et  produisist  la  vertu:  car  il  ne  faut  point  qu'auiourduy  nostre  Seigneur  Iesus  se  mette  a  genoux  devant  Dieu  son  Pere  pour  supplier:  il  est  dit  qu'il  sera  tousiours  nostre  Intercesseur:  mais  comment?  En  vertu  de  sa  mort  et  passion,  en  vertu  de  la  priere  qu'il  a  faite  auiourd'huy.  Ainsi  en  vertu  de  cela  nous  sommes  exaucez  comme  s'il  parloit  encores  auiourd'huy  pour  nous:  aussi  (comme  iay  dit)  toutes  nos  oraisons  sont  desdiees  en  luy,  car  sans  cela,  elles  seroyent  profanes.  Et  de  faict  aussi  toutes  fois  et  quantes  que  les  fideles  se  preparent  pour  prier  Dieu,  ils  doyvent  (au  lieu  que  les  Papistes  prendront  un  asperges  d'eau  benite,  et  feront  aussi  leurs  charmes  et  sorceleries  ou  bien  leurs  badinages)  sentir  que  leurs  prieres  sont  arrousees  du  sang  de  nostre  Seigneur  Iesus  Christ,  afin  d'estre  pures  et  nettes,  et  d'estre  receues  de  Dieu  comme  un  sacrifice  de  bonne  odeur.  Et  sur  cela  que  nous  cognoissions  que  nostre  Seigneur  Iesus  Christ  n'a  pas  seulement  este  Sacrificateur  pour  un  iour,  mais  qu'il  retient  encores  auiourd'huy  cest  office,  et  l'aura  a  iamais,  et  que  nous  en  sentirons  tousiours  le  fruit.  Or  si  ceci  eust  este  bien  cognu,  on  ne  se  fust  pas  desborde  (comme  il  en  est  advenu)  en  tant  de  superstitions  et  de  vilenies.  Comme  nous  voyons  que  les  Papistes  sont  auiourd'huy  comme  povres  bestes  errantes,  qu'ils  ne  scavent  quel  chemin  ou  sentier  ils  doyvent  tenir  en  priant  Dieu.  Ils  ont  un  nombre  infini  de  patrons  et  advocats,  et  chacun  se  bastist  le  sien.  Il  est  vray  qu'ils  en  auront  beaucoup  de  communs,  mais  encores  apres  toutes  leurs  kyrieles  (comme  ils  disent)  chacun  aura  sa  devotion  a  quelque  sainct  qu'il  aura  forge.  Yoyla  comme  Iesus  Christ  est  despouille  de  son  honneur.  Et  il  n'y  a  point  de  doute  que  quand  ils  ne  se  sont  pas  contentez  de  Iesus  Christ,  c'est  le  diable  qui  les  a  possedez,  et  les  a  mis  en  telle  rage  comme