23:685  685  SERMONS.  686  de  la  maison:  et  si  est-il  d'une  mesme  ventree.  On  ne  pourra  pas  trouver  diversite  entre  ces  deux  enfans  pour  preferer  Iacob:  car  ils  sont  conceuz  ensemble,  ils  sont  nez  ensemble:  qui  plus  est,  voila  Esau  qui  est  le  premier  ne.  Pourquoy  donc  est-ce  que  depuis  il  est  estime  comme  estrangier,  et  qu'il  n'a  ne  lieu  ne  place  en  cest  heritage  spirituel,  lequel  Dieu  avoit  promis  a  la  lignee  d'Abram?  La  benediction  luy  est  ostee,  et  partant  il  faut  que  son  frere  le  plus  ieune  la  recoyve:  il  a  le  droit  de  primogeniture.  Nous  voyons  donc  en  somme,  que  si  nous  prenions  ici  la  semence  d'Abram  pour  tous  ceux  qui  sont  descendus  de  luy  selon  la  chair,  qu'il  n'y  auroit  nulle  raison  ny  fondement.  D'avantage,  combien  que  toute  la  lignee  de  Iacob  ait  este  adoptee  de  Dieu,  neantmoins  la  plus  grand  part  s'en  sont  alienez.  Et  voila  aussi  pourquoy  Dieu  les  desavoue  tant  souvent  par  ses  Prophetes.  Il  faut  donc  qu'il  y  ait  un  chef  de  ceste  semence,  ou  nous  n'aurons  point  la  verite  de  ceste  promesse.  Vray  est  qu'ils  n'ont  point  seulement  parle  de  Iesus  Christ,  comme  aucuns  Tont  prins  trop  cruement:  mais  il  nous  faut  tenir  cest  ordre,  c'est  que  Iesus  Christ  nous  soit  la  mis  en  avant,  et  que  nous  [pag.  102]  soyons  recueillis  en  luy:  et  ceste  union-la  fera  que  nous  serons  tenus  et  reputez  enfans  d'Abram.  Il  n'y  auroit  point  donc  de  semence  telle  qu'il  est  ici  question,  si  Iesus  Christ  n'obtenoit  le  degre  souverain,  et  que  nous  ne  fussions  unis  en  luy  estans  membres  de  son  corps,  afin  d'estre  recueillis  en  la  maison  de  Dieu,  et  par  consequent  en  la  maison  d'Abram.  Or  nous  voyons  que  Dieu  diminue  ce&te  semence  pour  l'augmenter,  et  c'est  sa  facon,  laquelle  semble  estrange  au  monde:  mais  nous  y  devons  estre  tous  duicts  et  accoustumez.  Selon  l'opinion  commune,  quand  il  est  question  de  semence,  le  premier  ne  doit  attirer  le  second,  et  puis  tout  se  doit  recueillir.  Or  Dieu  procede  par  un  autre  moyen,  c'est  quand  il  y  aura  semence:  voila  un  grand  nombre  et  une  multitude  telle  qu'on  aura  dequoy  s'esbair,  et  Dieu  la  couppe,  Dieu  l'abrege,  il  la  diminue:  tellement  qu'on  vient  iusques  la  par  fois,  que  tout  est  quasi  consume,  ainsi  qu'il  en  parle  par  son  Prophete  Isaie  au  10.  chapitre,  qu'on  n'y  voit  quasi  plus  rien:  mais  c'est  pour  la  multiplier  puis  apres  par  dessus  tout  sens  humain:  afin  que  sa  vertu  soit  tant  mieux  cognue,  comme  elle  est  miraculeuse,  et  que  chacun  soit  contraint  de  l'adorer.  Car  combien  que  d'Abram  soyent  descendus  beaucoup  de  peuples,  les  douze  Lignees  en  premier  lieu,  et  puis  les  Ismaelites  [pag.  103]  et  Idumeons:  tant  y  a  que  iamais  n'y  a  eu  une  multitude  si  grande  en  sa  maison,  comme  elle  a  este  par  le  moyen  de  nostre  Seigneur  Iesus  Christ.  Car  ceux  qui  n'appartiennent  de  rien  a  Abram  selon  la  chair,  ont  este  faits  ses  domesti-