9:684  probemus,  controversiaeque  huic  pro  nostra  virili  medeamur.  Sacramentum  igitur  hic  vocabimus,  non  res  ipsas  quae  coenae  actioni  adhibentur,  nempe  panem  et  vinum,  neque  item  invisibilia  illa  tantum  actionis  mysteria,  sed  totam  illam  mysticam  coenae  dominicae  actionem,  una  cum  symbolis,  elementis  et  mysteriis  suis,  sic  ut  sacramentum  in  coena  non  tam  proprie  iam  distribui,  edi  ac  percipi,  quam  potius  peragi,  eamque  actionem  administrari  intelligamus.  Neque  ignoramus  iu  usu  esse,  ut  prandium  aut  coenam  sumere  dicamur:  sed  hanc  scimus  esse  etiam  figuratam  loquutionem,  ut  non  tam  prandium  ipsum  aut  coenam,  quae  actiones  sunt,  quam  ea  potius  quae  prandio  coenaeve  apponuntur  sumere  dicamur.  Eiusmodi  illud  apud  Vergilium  de  mensis  consumptis  habetur.  Nos  vero  nobis  in  excutiendis  controversis  dogmatibus  maxime  proprie  ac  dilucide,  quod  1)  eius  fieri  potest,  loquendum  esse  arbitramur.  Deinde  quum  in  coena,  quemadmodum  et  in  aliis  sacramentis,  duplex  sit  actio,  externa  videlicet  et  interna,  utrique  etiam  sua  nomina  add  emus,  ne  in  vocum  postea  ambiguitate  haereamus,  atque  externam  totam  illam  coenae  dominicae  actionem  symbolum  vocabimus,  panis  videlicet  fractionem  simul  ac  sumptionem,  et  poculi  item  participationem,  iuxta  Christi  Domini  institutionem.  Internam  vero  coenae  actionem  vocabimus  mysterium:  quod  nobis  per  externam  illam  actionem  συμβολικῶς  designetur,  ac  velut  ob  oculos  ponatur.  Res  vero  actioni  externae  adhiberi  solitas  elementa  sacramenti  esse  dicemus:  distinctis  enim  ad  hunc  modum  hisce  vocibus  magnam  lucem  doctrinae  nostrae  accessuram  esse  putamus,  id  quod  aliorum  quoque  sacramentorum  collatione  perspicuum  faciemus.  In  circumcisione  sacramentum  erat  tota  illa  externa  simul  et  interna  actio  cum  symbolo  et  mysterio  suo.  Symbolum  erat  quae  manibus  peragebatur  praeputii  amputatio.  Mysterium  erat  duplex,  ut  in  aliis  sacramentis  omnibus,  obsignatorium  et  admonitorium.  Obsignatorium  erat,  complenda  olim  in  Christo  praeputii  nostri,2)  hoc  est  condemnationis  nostrae  ab  Adam  in  nos  propagatae.  In  illo  enim  post  amputatum  condemnationis  nostrae  praeputium,  non  manu  facta  scilicet  circumcisione,  iusti  iam  sumus  omnes,  quo  sensu  etiam  circumcisio  a  Paulo  obsignaculum  iustitiae  vocatur.  Admonitorium  vero  mysterium  est  ipsa  cordis  circumcisio,  cuius  Israelem  universum  externa  illa  praeputii  amputatio  per  omnem  vitam  ipsius  συμβολικῶς  admonebat.  Elementa  autem  sacramenti  sunt  in  circumcisione  cultellus  seu  novacula  et  praeputii  caro.  Sic  et  in  pascatis  institutione  sacramentum  erat  1)  quoad.  2)  supple:  amputatio.