35:684  donnez,  dit-il.  Or  il  dit  qu'il  est  la  appareille  au  service  de  Dieu  son  Pere  avec  tous  ceux  qui  luy  ont  este  donnez.  Ainsi  il  n'y  a  point  de  doute  que  nous  ne  soyons  conioints  en  ceste  priere,  et  en  toutes  les  louanges  de  Dieu,  et  que  Iesus  n'entonne,  par  maniere  de  dire,  et  soit  comme  le  premier  chantre,  qui  nous  conduise  quand  nous  prions,  et  que  par  son  moyen  il  n'y  ait  une  voix  tellement  coniointe,  que  la  melodie  soit  bien  accordante.  Quand  nous  accorderions  avec  les  Anges  de  paradis  en  priant  Dieu,  se  seroit  desia  un  privilege  trop  excellent:  mais  quand  le  Fils  de  Dieu  daigne  bien  avoir  une  telle  privaute  avec  nous,  de  dire,  Venez,  ie  vous  conduiray,  ie  porteray  la  parolle  pour  vous:  ne  devons-nous  pas  estre  du  tout  ravis  en  cela?  Au  reste,  ceci  a  este  figure  en  la  Loy,  quand  le  grand  Sacrificateur  non  seulement  a  offert  a  Dieu  les  sacrifices,  mais  a  conioint  aussi  les  prieres.  Sous  les  ombres  donc  anciennes  il  y  avoit  le  Sacrificateur  qui  ne  pouvoit  pas  interceder  devant  Dieu  et  estre  receu  pour  agreable  sans  effusion  de  sang:  mais  avec  le  sang  il  conioignoit  aussi  les  prieres  a  ce  que  les  pechez  fussent  pardonnez  au  peuple,  et  que  Dieu  receust  a  merci  ceux  qui  estoyent  dignes  d'estre  reiettez.  Voyci  Iesus  Christ  qui  a  mis  fin  a  toutes  les  figures  de  la  Loy,  lequel  a  voulu  accomplir  ceci  en  sa  personne.  C'est  qu'il  a  presente  le  sang  pour  le  lavement  de  nos  pechez:  non  point  du  sang  de  veaux  ne  d'aigneaux  comme  en  la  Loy,  mais  son  sang  sacre,  voire  qui  a  este  dedie  par  le  sainct  Esprit,  afin  que  nous  ayons  plene  sainctete  en  iceluy.  Mais  avec  l'effusion  de  sang,  il  a  conioint  aussi  les  prieres.  Et  voyla  pourquoy  auiourd'huy  il  est  appele  nostre  Mediateur,  et  est  dit  qu'il  intercede  pour  nous.  Et  quand  S.  Paul  parle  des  prieres,  il  adiouste  qu'il  y  a  un  Dieu,  et  un  Mediateur,  qui  est  homme,  a  scavoir  le  Seigneur  Iesus.  Il  pouvoit  bien  dire,  II  y  a  un  Dieu,  il  y  a  Iesus  Christ  qui  est  la  Parolle  eternelle  de  Dieu,  qui  est  d'une  mesme  essence,  d'une  mesme  gloire  et  maieste.  Or  il  ne  parle  point  ce  langage,  mais  il  dit,  II  y  a  un  Dieu;  et  puis  II  y  a  un  Mediateur  entre  Dieu  et  les  hommes,  Iesus  Christ  homme:  comme  s'il  disoit,  Voyla  le  Fils  de  Dieu,  qui  apres  avoir  vestu  nostre  nature,  apres  s'estre  fait  homme  semblable  a  nous,  excepte  peche,  maintenant  intercede  pour  nous.  Or  les  Sacrificateurs  anciens  avoyent  besoin  de  prier  pour  eux  (et  Tont  fait  aussi)  et  puis  pour  les  pechez  de  tout  le  peuple,  et  ils  estoyent  comprins  au  nombre.  Mais  nostre  Seigneur  Iesus  est  exempt  de  ceste  necessite-la,  quant  a  soy:  il  ne  faut  point  qu'il  demande  pardon  de  son  coste  des  offenses  qu'il  a  commises,  mais  il  intercede  pour  nous.  Et  pourtant  au  8.  chapitre  des  Romains,  quand  sainct  Paul  nous  veut  donner  hardiesse  de